混血兒於日本藝能界中並不少見，但唔知點解近來新出道嘅寫真女星、偶像當中，有好幾個都係日、菲混血——例如猫宮あすか、黒木ひかり同金子理江咁，而且仲全部都好鬼靚女。就連最近由HKT48退團轉戰寫真嘅「山下エミリー」都一樣有菲律賓血統！

現年25歲嘅「山下エミリー」早於2013年，即係佢15歲時就成為HKT48嘅第三期生，一直到2016年先升格為正式成員，同時擔任Team II嘅隊長。媽媽係菲律賓人嘅佢，係團內少有嘅混血兒，或者係因為遺傳咗菲律賓嘅音樂細胞，除咗生得靚之外佢仲彈得一手好結他，而且識整菲律賓傳統食物「菲律賓酸湯（Sinigang）」。

但做咗偶像超過10年後，「山下エミリー」嘅身體率先頂唔住。今年2月佢先係宣佈因為肩傷關係暫停部份偶像活動，隨後於5月宣佈退團、7月進行退團公演，同日宣佈加盟新經理人公司「TRUSTAR」，成為武田玲奈、清水あいり、長澤茉里奈嘅師妹，當然亦不能免俗地要拍下寫真啦！大家上面見到啲相，主要就出自佢最近為《週刊Playboy》拍攝嘅電子寫真啦！

IG：emiri_hkt48