上圍豐滿嘅日本寫真女星多如恆河沙數，雖然大家睇極都唔厭，但亦可以話冇咩驚喜。同樣情況對於日本媒體及網民黎講理應同樣適用，但今晚要介紹嘅呢位「佐野なぎさ」，就依然憑住佢嘅身材橫「胸」出世，成為今年日本寫真界最耀眼嘅新星之一。咁究竟佢有咩咁吸引？身材又好到咩地步呢？

現年24歲嘅「佐野なぎさ」，本來係打算做個普通上班族，去年初夏時甚至已經收咗某間公司Offer、去埋人哋公司考察，準備6月就正式入職。但自小上圍就非常豐滿，朋友打招呼都會忍唔住抽下水嘅「佐野なぎさ」，突然就開始思考咁樣嘅人生係咪自己想要，於是就自己向各大經理人公司投稿應徵，結果就真係被目前經理人公司選中。而佢亦立即推咗原本嘅Offer，一心投入寫真事業。

而佢嘅成名作，就係今年3月時參加日本《週刊Playboy》舉行嘅「週プレ グラジャパ！×TGIFツギクルガールオーディション」選美。參選時一段跳住繩黎自我介紹嘅影片不僅將H Cup身材嘅高低跌宕儘情發揮，亦令《週Play》編輯部留下極深刻印象，最後於比賽獲得「週Play賞」，亦獲得為雜誌拍攝寫真嘅機會。

雖然目前出道時間尚短，拍落嘅寫真唔多，但「佐野なぎさ」非常勤力更新社交網站，上面啲相可以話睇到人目不暇及。大家鍾意嘅話就記得Follow下佢啦！

IG：sanonagisa_67