對於大部份寫真女星黎講，拍寫真通常都唔係佢哋唯一，又或第一份工作。有人可能做過其他演藝工作，有人可能有打過工，有人甚至有其他特別身份，以呢啲資歷往往都會成為佢哋嘅獨特賣點。好似今晚要介紹嘅呢位寫真新人「城咲れい」，就係以「專業舞蹈員出身」作為招徠啦！

現年27歲嘅「城咲れい」，係今年4月先推出其首隻寫真DVD出道，以寫真女星黎講，算係非常遲先出道。咁佢早年究竟做緊咩呢？據佢接受媒體訪問時透露，以前嘅佢其實係舞蹈員出身，而且係有16年跳舞經驗、去過外國留學、贏過「多個獎項」嘅專業舞蹈員。同時又因為跳舞多年，所以「城咲れい」嘅身材非常好，唔單止身高有成168cm，三圍更係37G-23-37，可謂典型嘅葫蘆體態。而佢亦於訪問中講過，認為跳舞同拍寫真都係「利用身體」嘅工作，所以好有信心可以做得好。

或者就係跳舞已經滿足唔到佢，所以佢就產生想成為演員嘅新目標。而加入寫真界，就係佢為演員夢踏出嘅第一步。不過考慮到寫真界競爭咁激烈，而佢又拍嘅寫真又已經咁大尺度，或者大家更想佢成為「另一種」演員？

IG：shirosakirei