又一個小野惠玲奈成紅牌陪酒

文：MenClub 魏文青　　
POSTED ON 03 Jun 2015

所謂同人唔同命，同遮唔同柄。有陣時明明大家都有同樣機會，但總係有啲人可以一將功成，有啲人就只能成為路邊枯骨。其中一個好例子，就係前AKB48成員小野惠玲奈。

小野惠玲奈喺2006年就以12歲之齡經加入AKB48，成為K隊成員。當時更加被視為與大島優子同等嘅ACE主力。07年更加同前田敦子、大島優子、指原莉乃等人一同移藉到老牌藝人事務所太田製作，可見當時屬於備受力捧嘅一員。但喺10年突然宣佈要去外國留學而退團，11年十月又再加入新事務所以個人名義復出。之後演藝生涯一齊浮浮沉沉，到14年七月又再宣佈引退。

雖然又出又入演藝圈兩次，前前後後搞咗幾乎十年，但其實小野惠玲奈都仲係一個21歲嘅小女生，正值少女青春與淑女風情之交接期。加上相貌娟好、身材火辣，咁你話最啱做咩啦？差啲！唔係AV，人家目前仲係一個陪酒女郎啫。

早前日本網絡就已經流傳有雜誌記者放蛇，拍得前AKB成員下海，不過只有公佈外型特徵同背面相，並無公開名字。當時就已經有人懷疑相中人係小野惠玲奈。時隔個幾月，又有日本記者發現小野惠玲奈目前喺位於新宿歌舞伎町嘅「Entertainment Bar Bubbly」酒店(類似夜總會)上班，而且使用嘅藝名更加係與「惠玲奈」相似嘅「Erena」。甚至喺該店嘅社交網結上發現小野輥耐奈嘅工作照。

報導指個性活潑又主動嘅惠玲奈表現一直好好，經常吸引有錢男客人開洋酒提升業績。又時不時有客人打電話約佢外出。有熟客就透露惠玲奈曾經講過係因為「無法再相信演藝界的人」而退出，睇黎真係有好不愉快嘅經驗嘞。我知我知，你哋個腦諗緊人哋幾時會下海拍AV你睇嘛！不過觀乎人家撈得咁掂，報導出咗之後又會有更多人慕名而去，睇黎佢拍AV嘅機會真係唔大。反正上次介紹過嘅「鬼頭桃菜」一本限定AV啱啱出咗冇耐，你咪一路睇一路等囉！