對年輕人黎講，「畢業」往往係代表住由無憂無慮嘅學生變成「有憂有慮」嘅大人，其實對於偶像團體成員黎講，從團體畢業都有異曲同弓嘅意義。好似出身自HKT48嘅「運上弘菜」，去年從團體畢業後，近來就事隔三年再次登上《週刊Playboy》拍攝寫真，仲話要宣告自己已經係個「大人」！

現年26歲、成長於北海道嘅「運上弘菜」從小就有個偶像夢，所以佢16時就已經參加過AKB48嘅徵選，可惜當時未能選上。兩年後佢就改到位於日本另一端嘅AKB姊妹團HKT48中出道，並逐漸成為團體嘅台柱之一，自2020年起就多次擔任團體單曲嘅「Centre」位置。直到去年7月，於入團7週年前夕宣佈退團，並於9月及10月分別舉行畢業公演及演唱會，12月仲出埋畢業寫真集，正式同團體告別。

早前佢接受《週Play》訪問時，就提到畢業後佢其實過咗一段普通人嘅生活，返咗家鄉北海道之餘，亦同親朋好友去咗沖繩旅行。佢話本來以為畢業後就唔會有咩工作搵上門，但結果發現有好多Fans其實都等緊佢出返黎，於是為咗Fans們努力開展個人活動，而事隔三年重新登上《週Play》，就係宣告自己成為「大人」回歸。唔知各位又覺得佢夠唔夠大呢？

IG：nappi_0809