自從AI生成技術越見成熟，網絡上就越黎越多人工生成嘅美女圖（同埋AV，唔好問我點解會知），搞到大家為防「J錯電腦」都要打醒十二分精神，甚至搞出唔少認錯真人做AI嘅誤會。好似今晚要同大家介紹呢位「春蝶」，就因為靚得太完美，而被質疑係AI美女，甚至有人為咗確認佢係真人而特登去參加佢嘅攝影會。咁究竟佢有幾靚女呢？

年齡不詳嘅「春蝶」係日本近來爆紅嘅「同人水著女星」。自去年10月開始，「春蝶」每日都會於個人帳戶及員工帳戶分別上傳兩張寫真照，然後儲儲埋埋自己出電子寫真。由於「春蝶」嘅樣貌身材幾近完美，而且發文頻密，加上佢每次發帖都只會配上簡單文字（甚至無字），所以網民一度以為佢係一個AI生成美女。「春蝶」接受媒體訪問時，更透露有人係為咗確認佢係咪真實存在，而去參加佢嘅實體攝影會。

「春蝶」亦指自己細個時其實對外表冇咩信心，亦非常抗拒影相，只係後來因緣際會開始做模特兒，見到攝影師捕捉到自己漂亮嘅角度，先搵到被拍嘅樂趣，亦令佢決定以「春蝶」嘅名義繼續追求更靚嘅照片。而從結果黎睇，「春蝶」可以話係非常成功。唔單止兩個X帳戶加埋有近百萬Followers，推出嘅寫真CD就算賣到二、三千Yen一隻（約HKD$100-$150），依然全部——我強調，係全部——賣到斷哂貨。不過買唔到都唔緊要嘅，佢嘅各大社交平台依然有大量靚相，大家可以慢慢睇——睇得太快傷身呀！

X：chu_chu148、chuchu_staff