唔知點解日本文化對於「妹妹」似乎有特別情意結，甚麼外表氣質有「妹妹感」都可以成為寫真明星嘅賣點之一。好似今晚要介紹嘅呢位「村上りいな」咁，就係日本有名嘅「妹系寫真偶像」之一，但你又唔好以為佢係嗰啲需要哥哥保護嘅弱女子喎，事關佢分分鐘有肌肉過你呀！

現年29歲嘅「村上りいな」，從幼稚園起就已經係個運動健將，最鍾意玩單槓及單輪車，小學曾經打算加入田徑部，只係因為覺得田徑部個老師好得人驚，所以改為參加吹奏樂部，到中學先再加入排球部，所以佢可以話係個運動健將，到依家都仲有明顯腹肌。到高中時雖然有同班同學係AKB48成員，但佢仍冇考慮加入演藝界，直到大學時於原宿被星探發掘，佢先以攝影會模特兒以及寫真偶像身份出道，並一路活躍至今。

出道後嘅「村上りいな」發展相當唔錯，除咗不停有機會參加電視節目、電視劇甚至舞台演出，寫真DVD及電子寫真更係出到停唔到。而且由於佢一直都以短髮形象出現，外表睇落又有小妹妹氣質，所以被稱為「妹系寫真女星」。但你話佢大膽咩，佢又可以幾大膽。例如早年佢就參加過由脫毛公司舉行嘅「全身脫毛Review girls!」節目，仲以側手翻黎示範全身脫毛後嘅成果——可惜嘅係我搵唔到條片啦，如果大家有嘅話可唔可以PM我？

IG：riina_murakami