{ SKIP }
文:MenClub 魏文青  
POSTED ON 27 Nov 2024

我知大家一見到「惠比壽麝香葡萄」,再加「辰巳」呢個姓,就會以為我要介紹嘅係前AV女優「辰巳唯(辰巳ゆい)」。但你須知道「惠比壽麝香葡萄」嘅成員除咗AV女優之外,其實仲有唔少寫真女星。而今晚要介紹呢位「辰巳シーナ」就係其中一位。而且除咗「前惠比壽麝香葡萄成員」之外,仲有好多有趣嘅身份添!

首先,1993年白色情人節生日、今年31歲嘅「辰巳シーナ」係一個中日混血兒,而佢嘅爸爸除咗提供日本人血統之外,仲為佢提供咗占卜師血統,事關佢阿爺係一個專業嘅占卜師黎。受家庭薰陶之下,「辰巳シーナ」亦有學習占卜,甚至喺2014年寫真出道後,仍然會於工餘時間去占卜專門學校(有呢啲學校本身就值得驚訝)進修,仲真係會幫客人占卜,疫情期間甚至搞埋網站幫人用Email占卜——只能夠講佢好有生意頭腦。

而佢嘅生意頭腦亦體現於佢另一個身份:主題咖啡店老闆娘。話說2022年嘅時候,佢於橫濱與經理人公司合資開咗間「和風主題咖啡」。咩係「和風主題」唔係重點,重點係佢憑著自己係寫真女星,加上曾經係「惠比壽麝香葡萄」成員嘅資歷,遨請到一班現役偶像黎做店員或者搞活動,例如吉澤友貴、桜もこ、日向なつ、希島あいり、羽咲みはる、市川まさみ、川上なな美等(前)女優都曾經去搞過活動。

而佢本人亦於今年7月重操寫真故業,事隔5年再次推出寫真DVD,仲曾一舉登上Amazon銷售榜嘅首位,可見佢本人仍然有巨人嘅號召力——大家睇完上面啲相,應該都感受到啦可?

IG:tatumi_shina

喺呢個瞬息萬變嘅世界,唔少人都會有所謂嘅「FOMO」(Fear of missing out)心態,即係認定機會只會短暫、單次出現,今次把握唔到就冇下次,所以必需時刻留意身邊所有事。但今晚要介紹嘅呢位「美波那緒」,就證明畀 ...
girls
【深夜】機會係有第二次嘅 軟萌系寫真女星「美波那緒」
01 Aug 2025
睇得我哋「深夜系列」嘅人,相信平時都會喺社交媒體睇下靚女,如果係咁,大家又覺唔覺得香港近年好似越黎越少漂亮嘅新面孔?好似睇黎睇去都係嗰啲人咁?喺呢方面日本寫真界就好得多,每年至少都有幾個一嗚驚人嘅新人 ...
girls
【深夜】三月出道爆紅 犯罪級玲瓏浮凸身材「髙野真央」
30 Jul 2025