{ SKIP }
文:MenClub 魏文青  
POSTED ON 09 Dec 2024

現代人著重健康又駐顏有術,所以唔少人即使步入中年亦然Fit到漏油。好似今晚要介紹嘅呢位寫真女星「Aimi(吉川このみ)」咁,唔單止於去年成為日本「最強Body」,而且事後佢仲自爆自己其實係兩子之母!

大家如今見到嘅「Aimi」,係自2016年開設社交平台,並上傳性感寫真照獲得人氣,繼而於2017年正式成為寫真女星。當時嘅佢除咗用藝名之外,就連年齡等其他個人資料都冇公開。但正正就係呢個「謎之美女」設定,再加上佢本人出色嘅外表身材,令佢成為當時嘅話題寫真女星之一。疫情期間更成立公司協助其他寫真女星推出電子寫真集、經營社交平台及舉行活動等。

縱然佢熱愛拍攝寫真,但一來有感自己繼續拍落去,如果唔越露越多就難有突破;另一方面亦因為見到傳統寫真界慢慢被所謂「素人寫真」(即係啲網紅自己賣相)取代而感到迷茫。就喺呢個時候,佢就知道日本將會舉行「Best Body Japan」比賽,選出各年齡層中身型最健美嘅男女,於是佢就毅然參加挑戰自己。

結果佢唔單止於「Best Body Japan」嘅東北、關西等地方大會中贏得冠軍,更於去年11月舉行嘅全國大會上,成為30至39歲組別嘅女子總冠軍。亦或者係因為通過比賽公開咗年齡嘅關係,得獎後佢更公開自己嘅過去。原來1989年出世嘅佢早於2008年時就曾以「吉川このみ」之名寫真出道,但僅三年之後就暫停活動,搬去滋賀縣與日本騎師鮫島良太結婚,並育有兩子。可惜二人嘅婚姻維持咗6年就完結,而目前Aimi係憑一己之力照顧兩個分別11歲及8歲嘅兒子。換言之當年佢以「Aimi」之名重新出道時,就已經生咗兩次仔。

就黎36歲人、結過婚又離過婚仲要湊住兩個仔,就算唔計「Aimi」嘅寫真事業成唔成功,淨係Keep到呢個身型都值得大家尊敬啦下嘛?邊個話生完仔就身材就一定走樣㗎?

IG:aimi_feti

以貌取人係社會常態,所以唔少人都覺得只要生得靚仔靚女,人生就一定過得非常順遂。不過今晚要介紹嘅呢位「山田あい」就好可能係一個反例,事關號稱「寫真界令和超新星」、擁有I Cup魔鬼身材嘅佢,竟然曾經要露宿街 ...
girls
【深夜】寫真界令和超新星 「山田あい」竟曾露宿街頭
22 Oct 2025
唔少寫真女星都係透過參加日本各大出版社舉辦嘅寫真選美比賽而出道,而且因為呢類比賽通常美女雲集引人注目,又有出版社支持不乏曝光機會,所以一旦有拎到獎,好容易就能夠於寫真界站穩陣腳。不過今晚要介紹呢位「山 ...
girls
【深夜】為拍好寫真轉公司 「山本栞」成Enako師妹
20 Oct 2025