{ SKIP }
文:MenClub 魏文青  
POSTED ON 12 Feb 2025

喺男人嘅視角,女生上圍豐滿固然係百利而無一害;但相信大家都聽過唔少身材好嘅女仔抱怨胸前兩舊肉團好重呀、阻礙活動呀、好難買衫呀諸如此類嘅缺點。其他缺點我唔知係咪真,但睇今晚介紹嘅呢位「後藤まつり」的話,似乎「好難買衫」呢個缺點的確係存在嘅,唔係點解佢所有相都係包唔哂個心口嘅呢?

現年22歲嘅「後藤まつり」,係日本女團「アイテムはてるてるのみ」嘅創團成員之一。有趣嘅係自2019年年尾出道以黎,呢個女團前前後後換過廿幾個成員,但「後藤まつり」就一直於團內屹立不倒,同時亦係團內人氣最高嘅成員,堪稱「流水嘅隊友,鐵打嘅後藤まつり」。但或者係眼見團體發展不順、隊友不停咁換都唔係辦法,於是去年開始「後藤まつり」就轉戰寫真界希望有所突破,結果就真係收獲奇效!

「後藤まつり」於去年3月推出首隻寫真DVD,正式進軍寫真界,結果可以話係一脫成名,並於去年7月以及今年一月接連推出新作。「後藤まつり」嘅最大賣點,除咗佢嘅「偶像成員」嘅身份之外,就係佢161cm高、33G-23-35嘅魔鬼身材。特別係於盈盈一握嘅纖腰襯托之下,佢嘅上圍顯得份外搶眼。而佢亦深知自己嘅優點,所以寫真之中東南西北各個半球都擠哂出黎,著實係秀色可餐。「後藤まつり」出黎拍寫真幫唔幫到佢個團體我就唔知,但我幾肯定佢本人能夠於未來嘅寫真佔一席之地!

IG:matsuri_teruteru

唔少日本寫真女星都有個屬於自己嘅稱號,以方便Fans去記得佢哋。既然係咁,個稱號自然就應該同個人有返些少關係先得啦係咪?但我今晚要介紹呢位「西野夢菜」,就有一個我睇唔出同佢本人有咩關係嘅稱號睇黎要靠大家一 ...
girls
【深夜】睇唔明個稱號點黎 寫真界灰姑娘「西野夢菜」出寫真集
18 Jul 2025
一個兩個月大嘅BB可以做到啲咩?除咗食、屙、瞓同喊之外,好似都冇可以做到啦下嘛?但今晚要介紹呢位「加藤綾乃」,就由兩個月大開始就已經於日本演藝界出道,到近年更加成為多才多藝嘅寫真女星添! ...
girls
【深夜】2個月大就出道 多才多藝「加藤綾乃」成寫真冠軍
16 Jul 2025