{ SKIP }
文:MenClub 魏文青  
POSTED ON 16 Mar 2025

日本AKB48及其姊妹團近年出現逃亡潮,唔少人都不約而同地離隊。有趣嘅係,唔少人離隊之後嘅第一個大動作,就係放低偶像包袱出性感寫真集。好似今晚要介紹呢位「山下エミリー」,就係又双叒叕一個例子!

舊寫真

現年26歲嘅「山下エミリー」出生於日本福岡縣,年僅14歲時就通過座落福岡嘅女團HKT48徵選,成為團體嘅3期生,並開始參加團體嘅劇場表演。或者係因為受到菲律賓出身嘅媽媽影響,所以「山下エミリー」自少就彈得一手好結他,而且手長腳長,被當時嘅劇場經理評為「非常適合舞台表演」。

雖然加入HKT48後人氣有所上升,但「山下エミリー」於團內嘅發展就唔算非常突出。有幸參加過嘅幾屆「AKB總選」都未入前80名。最終於去年5月宣佈卒業,同年7月正式結束11年偶像生涯。

新寫真集寫真

退團之後佢只係等咗短短5個月,就於12月19日、即係佢26歲生日當天推出首本個人寫真集《SHY》。據佢自己於記者發佈會上指,會改呢個名係因為佢本身就係一個好怕醜嘅人,但睇過寫真集嘅記者就忍唔住吐糟:「睇落唔怕醜呢?」事實上日本媒體大都以「大膽」黎形容佢嘅寫真集;大家睇圖亦會見到佢著起內衣、泳衣展現164cm高、瘦到有明顯腹肌但胸前又有肉嘅姣好身段。咁都算係怕醜,咁就冇人係大膽架啦!

IG:emiri_hkt48

為咗要寫「深夜系列」,所以每次我見到啲日本靚女,都會上網搜尋下佢嘅資料,睇下值唔值得同大家介紹。但近日當我搜尋呢位「櫻井もえ」時,Google竟然帶咗我去幾個AV網!咁係咪代表呢位啱啱退團嘅前偶像成員轉戰成人 ...
girls
【深夜】Google佢個名竟然搵到AV?啱啱退團的偶像「櫻井もえ」
01 Sep 2025
喺以外表及身材行先嘅日本寫真界(甚至整個娛樂圈都係啦),女性嘅黃金年齡大都坐落於「十零歲到三十零數」之間,過咗呢個年齡段嘅唔係成功轉型,就係選擇引退做返個平凡人。不過今晚要介紹呢位「石岡 真衣」,就係 ...
girls
【深夜】曾加入「借錢女團」及「惠比壽」 解散後「石岡真衣」回歸寫真依然有市場
25 Aug 2025