日本女團乃木坂46素來都以美女多而聞名，當中如與田祐希、山下美月、中田花奈、相樂伊織等退團之後更於寫真界闖出一番名堂。而今晚要介紹嘅呢位「井上和」，亦有望步一眾前輩後塵，成為寫真界嘅新星之一。琴日（4月22日）仲推出埋首本個人寫真集添，大家可以留意一下啦！

今年2月17日滿20歲嘅「井上和」於2021年通過乃木坂46嘅五期生徵選而入團，並於2022年2月成為正式成員之一，首次參加團體單曲就成為其同Center之一，第二次參加就已經係單獨Center，可見團體對佢嘅期望及其資質。而往後幾年佢亦一直係團內人氣成員之一，穩坐「十一福神」之位。

今年踏入20歲、正式成人嘅佢仲於20歲生日正日宣佈會推出20歲紀念寫真，與此同時亦不停登上各大青少年雜誌為寫真造勢。明年佢更加會參加NHK大河劇《豐臣兄弟！》嘅演出，人氣有望再上一個台階。大家亦可以積極期待佢未嘅發展啦！

IG：inoue_nagi