《長恨歌》大家細個有讀過下話？「楊家有女初長成」知係咩意思呀可？後來呢句嘢主要係被啲好似我咁嘅人用黎形容青春少女終長大成人，背後嘅含義其實相當麻甩。不過，你信我，今次我用呢句嘢黎形容「吉井しえる」，唔單單係因為佢「初長成」，而係多咗幾分「慶幸佢有長成」嘅意思，因為佢真係差啲就「長唔成」㗎！

今年7月即將滿20歲嘅「吉井しえる」，早於幼稚園時期就已經做緊兒童演員，到中學亦有出演地區舞台劇及音樂劇，2020年時更曾出演日本Uniqlo嘅廣告，單憑呢個資歷你都知佢大個係想成為一個演員。事實上佢於高中二年級時亦的確如願與經理人公司簽約，不過於公司安排下就先去參加《週刊Young Magazine》舉行嘅「Miss Magazine」寫真選美，仲一個唔該贏埋「審查員特別賞」，於是半推半就成為寫真女星。

身高164cm嘅佢，以日本女仔黎講絕對算係高，而且你睇圖都會發現佢其實幾有肉，咁點解我開頭要話「慶幸佢有長成」呢？其實據佢出道後接受訪問時指出，自己出世時僅得1.1kg重，換言之只得正常嬰兒嘅三份之一左右，好可能係遇上早產等問題。而佢個名「しえる」，其實係有「九死之後得到一生」嘅意思，寄託咗父母對佢平安長大嘅願望，所以佢依家長到咁「大」呢，無論對佢父母定我哋呢班觀賞者而言都係值得慶幸嘅！

IG：shieru__0702