雖然話日本女團成員拍寫真一啲都唔出奇，但畢業既有偶像包袱，寫真工作又唔係重點，哪怕真係本身天生麗質，往往都雖然啲時間累積人氣先能夠於寫真界獨當一面。不過今晚要介紹呢位「一ノ瀬瑠菜」就可算係當中嘅異類，作為偶像嘅佢唔單止於寫真選美比賽中有好成績，而且仲火速冒起極速橫掃各大雜誌封面。以下就同大家睇睇佢有咩過人之處啦！

今年2月啱啱滿18歲嘅「一ノ瀬瑠菜」，早於小學五年級同媽媽於新宿行街時就已經被星探發掘，並獲得經理人公司簽約。可惜當時嘅經理人公司實力不足，未能為當時想做演員嘅佢爭取到足夠嘅試鏡機會，於是去到中學2年級佢就選擇離開舊公司，並轉投目前嘅Youth Production。換咗新公司後佢先以「PLATONiCK SOLID」之名於2022年10月出道，可惜團體好快就因為公司經營方向改變而停止活動，好在幾個月後嘅2023年2月，整個團體就以原班人馬改組成目前嘅「シャルロット」再次出道，並一直活動至今。

而就係再次出道不足一個月，佢就已經於《週刊Playboy》上獻出自己嘅寫真處女作，2023年5月時更參加日本著名寫真選美比賽「Miss Magazine」。最終雖然贏唔到三甲，只係拎到個「讀者特別賞」，但今次參賽就已經向外界證明佢嘅寫真實力，各大雜誌嘅寫真邀約更蜂擁而至。例如2024年5月時，佢就首次登上《週刊Young Magazine》嘅封面，成為史上首個獲得Miss Magazine 讀者特別賞一年來就上封面嘅女星，同年佢更先後登上《週刊Playboy》、《週刊少年Magazine》以及兩次《週刊Big Comic Spirits》封面，成為近來最紅嘅寫真女星之一。唔知各位睇完佢啲寫真，又感唔感受到佢嘅魅力所在呢？

IG：ichinose_2266