如果我話個靚女，佢笑起上黎同太陽一樣咁明亮，咁你可能會答我「我想要，同陽光玩遊戲~」。但今晚要介紹嘅呢位「まるやそら」，佢笑容嘅明亮程度就可以話更上一層樓，日媒對佢嘅形容係「連太陽都會妒忌」。唔知佢個笑容，又可唔可以帶大家走出平安夜無人約嘅陰霾呢？

現年22歲嘅「まるやそら」出身於日本宮城縣，早年佢曾以漢字本名「丸谷蒼空」之名參加舞台劇、拍下MV、上下電台節目咁。就算於2023年佢與原經理人公司解約並改名後，都有一段時間都係繼續以演員身份活動。但後來佢走咗去參加著名嘅寫真新星選美比賽「Miss Magazine」，最終更於超過2,800名參賽中殺到最後16強，拎咗個審查員特別獎，然後就好順理成章咁開始拍寫真，人氣亦跟住水漲船高。

如果你去睇「まるやそら」嘅身材數字，153cm身高、32吋上圍嘅嬌小身材，於寫真界而言可謂毫無睇頭。但「まるやそら」真係超級靚女，一對極度有神、又大又水汪汪嘅眼睛，再配上青春可愛嘅燦爛笑容，真係稱得上如陽光一樣撫慰人心。希望佢未來繼續發展演員事業之餘，都可以繼續拍寫真滿足Fans啦！

IG：sora_maruya_