我成日都話，雖然日本女星、偶像拍寫真係一件好平常嘅事，但大部份人其實都當寫真係一種久唔久用一次嘅宣傳手法，而非真正嘅事業。好似今晚要介紹呢位「由良朱合」咁，早年拍寫真就係因為啱啱從女團卒業，之後三年去咗聲優就無拍過新寫真；到近排又出返黎拍寫真，唔知係咪代表佢嘅事業路向又有改變呢？

現年26歲嘅「由良朱合」從小就有個演藝夢，所以細個時就已經加入家鄉廣島嘅演員訓練學校，15歲時仲加入埋學校主辦嘅女團「SPL∞ASH」出道。活動咗三年幾之後，佢就走去參加AKB48嘅徵選，最終於2018年1月從「「SPL∞ASH」」轉會「STU48」重新出道。不過佢於「STU48」嘅發展就唔算太順利，入團一年半後先第一次入選單曲名單，或者亦正因如此，所以佢於單曲推出僅半個月，就於2019年8月宣佈退團。

退團後嘅佢終於開竅，2020年5月於《週刊Playboy》展開寫真工作，而且憑住女團出身，加上自己出色嘅身材外貌幾乎橫掃所有寫真雜誌，令其人氣急升。但賺到人氣之後嘅佢，於2022年開始聲優工作之後就同寫真絕緣，再無新作推出，直到近來先事隔5年再於《週刊Young Jump》亮相，亦係佢事隔3年再拍寫真。

其實拍寫真多人睇，點解唔拍多啲呢？Fans就係鍾意睇呢啲嘛！

IG：yura0312akari