「透明感」係日本媒體好鍾意用於女星身上嘅形容詞，但呢佢唔係形容個女仔無咩存在感、睇佢唔到咁呀！而係話佢好清純自然，好似無經過世俗嘅影響咁。而今晚要介紹呢位「桐原美月」，就係近期冒起，被稱為擁有「驚人透明感」嘅美女，各位又能唔能夠從佢嘅靚相中體會到「透明感」嘅真諦呢？

現年22歲嘅「桐原美月」出生於日本茨城縣，早年曾經於當地嘅地區偶像團體「水戸ご当地アイドル」活動，後來因為仰慕同鄉「根本凪」，所以於2019年參加後者團體「虹のコンキスタドール」公司舉辦嘅徵選，最終成功突圍而出，以新團體「リルネード」嘅成員再次出道。2022年12月時，佢又轉投另一偶像團體「CANDY TUNE」並一直活動至今，而且團體嘅人氣節節上升，早前更首次登上日本「紅白歌合戰」舞台。

而佢本人亦於寫真界努力發展。自2020年首次於《週刊Playboy》亮相後，佢就憑著148cm嬌小身形、清純乾淨嘅外貌，加上頗有睇頭嘅身材而獲得好評。近年步入二字頭後氣質更係有驚人變化，由以往嘅「妹妹」風變成依家充滿魅力「女人」，成為各大雜誌嘅寫真常客。相信未來一定會有更多作品滿足Fans。

IG：kirihara_mizuki