記得年頭時社交媒體有人發文，「提醒」各位就算係2000年出世嘅「年輕人」今年都即將26歲，頓時就覺得自己已經好老。不過咁亦代表當年嘅「小妹妹」們，依家已經長大到可以拍寫真畀大家睇啦！好似今晚要介紹呢位「貝賀琴莉」，就由當年嘅「最可愛高中生」變成依家嘅寫真女星！

雖然個樣睇落好細個，但其實「貝賀琴莉」係2002年出世，上個月啱啱滿24歲，早已脫離十八廿二嘅少女年齡。不過要數佢出道嘅契機，就要回到2017年佢15歲時。當時讀緊高中一年級嘅佢參加由with t主辦、俗稱「日本最可愛高中生選美」嘅「女子高生ミスコン」，並贏到亞軍而廣為人識。後來更獲著名經理人公司01familiar簽約，加入旗下偶像女團「#よーよーよー」，憑住超可愛嘅外形深得Fans們喜愛。

但提提大家，2017年已經係9年前嘅事，當年嘅高中生早已長大成人，「貝賀琴莉」亦唔一定要賣可愛，而係可以轉為賣性感。事實上「貝賀琴莉」嘅寫真成評價一向唔錯，2023年《週刊Playboy》為咗慶祝創刊57週年而舉行「日本寫真女星57人」特別企劃時，佢亦被選為「新一代寫真女星」之一。或者亦因為咁，所以去年5月宣佈退團之後，「貝賀琴莉」就拍咗唔少寫真。如果佢未來打算以寫真為本業的話，相信大家就有眼福啦！