一般黎講，喺深夜系列見到啲咩「最強XX」之類嘅字呢，都係形容緊寫真女星嘅身材或者性感程度。不過今晚要介紹呢位「堀江聖夏」就有啲唔同，佢係性感、佢身材亦好，但當大家話佢係「最強主播」時，係真係講緊佢嘅「戰鬥力」，事關佢係一個可以用寸勁打破16層瓦片嘅空手道高手！

現年32歲嘅「堀江聖夏」早於兒童時期就開始做少年偶像，中學時更曾經參加過AKB嘅追加成員徵選，與柏木由紀、渡辺麻友等人一齊合格，並短暫隨AKB Team B活動。不過佢嘅偶像之路似乎唔多順利，並無於團體中獲得咩人氣，所以好快就退團離開。之後佢於立教女學院短期大學就讀時參加「立教女學院小姐」選美奪冠，終於獲得大眾注意，往後就以電視節目主播、電台主持等身份活躍。

日本一、強いアナウンサーの片手寸勁16段！ pic.twitter.com/6eH1nNOFoG

— 堀江 聖夏 | 1st フォトブック発売中 (@0714_lovelys) October 13, 2025

不過要數到令佢廣為人知嘅契機，就一定係佢近年開始「劈瓦片」。話說某次佢於節目中Cosplay成春麗表演「寸勁劈瓦片」，結果一嘢劈穿15層，影片立即成為日本網上熱話。而佢亦打蛇隨棍上於社交媒體上傳練習片段，閒閒地都有幾百萬甚至上億次觀看。事實上「堀江聖夏」本身就係空手道有段者，而且長年保持極佳體態，據報體脂只有11%左右，所以先有「最強主播」、「堅實的身體」等稱號。

隨住人氣上升，「堀江聖夏」近年亦獲雜誌邀請拍下寫真。脫下春麗裝嘅佢其實充滿女人味，而且全身都瘦就係胸前有肉，再加上對纖瘦大長腿，可能都會一嘢劈穿各位男士嘅心臟啦！

IG：mina_horie