但喺講結果之前，又容許我問下各位，成個SNH48你究竟識邊個？嗡得出邊個個名？我相信個答案係「冇」。唔係你一個都唔識，而係唯一一個你識嘅係「四千年一遇美女」鞠婧禕，但佢個名你唔識讀！唔需要自責，因為我都係！咁你唔怪得人呀，話哂佢又紅到去日本、又被日謀評為「中國第一美女」，近日新聞仲有賣有個阿拉伯土豪因為鍾意佢，所以飛去中國睇佢總選演出，咁我識佢一個都好正常啫！況且佢紅到咁，肯肯定係拎第一啦！

畀你估得到就唔係大陸啦？

圖為吳哲晗

圖為邱欣怡

真正值得注意嘅可能係上屆嘅頭兩位，其中上屆第二邱欣怡暴跌12位，以20078.3票排14，勉強守住個「高飛組(頭16名)」位置。上年第一嘅吳哲唅就犀利囉，由堂堂第一名跌出頭32(總共參選人數為73人，但因為吳哲唅兼任兩隊，所以名單上總共有74人)不單止，得票亦由上屆嘅19281票，跌到少過排名32，孟玥嘅8218。雖然話有兩個名單係會分薄票源，但19281除二都仲有9640，都仲可以排到第26，換言之吳哲唅喺上遊圈眾人票數翻幾翻嘅同時，起碼跌咗接近三千票！與上屆第十六名徐晨辰之外唯二位跌出榜外嘅前16成員。

我上面講咗啲咩，自己參透啦。