{ SKIP }
文:MenClub 魏文青  
POSTED ON 11 Sep 2015
話說文青近排收到《我們都是超能力者》電影版,香港發行公司嘅新聞稿,成篇嘢入面有兩樣嘢吸引到我--第一,係套戲個香港譯名係《超能勁處男》(嘩真係好聽到呢…),第二就係「女主角」方面淨係得早兩日(又)介紹過嘅真野惠理菜!喂!咁池田エライザBB呢?


池田エライザ飾演嘅「平野美由紀」,於電視劇中係由夏帆飾演。但唔知咩原因夏帆就冇出演電影版,於是導演園子明就搵黎佢覺得好性感嘅池田エライザ做呢個角色。故事中佢係男主角「鴨川嘉郎」嘅青梅竹馬,能夠「獲得接近自己的能力者的能力」。而且性格男人婆,經常會飛踢男主角,電視劇版後期非常「合理」地有少少鍾意咗男主角。

簡單啲黎講,人哋就係一個識男主角在先嘅傲嬌,就算當男主角開後宮,論交情輩份都係池田エライザ嘅角色做大,有咩可能淨係講真野惠理菜唔講佢架!唔緊要,人哋唔講我講。



今年19歲嘅池田エライザ,媽媽係菲律賓歌手,爸爸係日本人,而佢本人亦係喺菲律賓出世。2009年參加時裝雜誌「Nicola」嘅試鏡大會贏咗冠軍,同年10月成為雜誌嘅專屬Model;一直做到2013年5月,之後轉會另一本時裝雜誌「CanCam」,同時亦將本身名字「池田依來沙」改為片假名式嘅「池田エライザ」。做專屬模特兒嗰陣又拍過幾舍廣告,做過幾套電影客串…跟住…呃…冇啦…


係!論演藝經驗,池田エライザ的確係拍馬都追唔上真野惠理菜,但論人氣,佢又真係未必輸蝕。因為池田エライザ憑住天氐瓏質再加些少自拍技巧,拍出一張張完美嘅自拍照,令佢喺日本女中學生群中被稱為自拍女神,Instagram有13.7萬Followers,仲勁到出埋書教人點自拍,問你服未!


不過既然係文青深夜教室,又點可以淨係同大家講自拍呢?唔好睇佢年紀輕輕,其實池田エライザ身材勁好!據聞仲有E Cup添!


期待唔期待?我就好期待睇佢秉承夏帆嘅優良傳統不停起飛腳露底底啦!


喺以外表及身材行先嘅日本寫真界(甚至整個娛樂圈都係啦),女性嘅黃金年齡大都坐落於「十零歲到三十零數」之間,過咗呢個年齡段嘅唔係成功轉型,就係選擇引退做返個平凡人。不過今晚要介紹呢位「石岡 真衣」,就係 ...
girls
【深夜】曾加入「借錢女團」及「惠比壽」 解散後「石岡真衣」回歸寫真依然有市場
25 Aug 2025
如果有留意日本體育新聞,或者會見過「一軍」、「二軍」呢類字眼,其實就即係講緊團體內嘅序列高低,當中以「一軍」為最高,即係隊伍中實力最勁、最重要嘅成員。而今晚要同大家介紹呢位「高橋かの」,就有個朵叫做「 ...
girls
【深夜】今天、明天也喜歡你 戀綜出身超一軍女子「高橋かの」
25 Aug 2025