第10位:  ℃-ute 10th Anniversary BooK (℃-ute)

「早安家族(Hello! Project)」於2002年舉行針對小學生嘅「Hello! Project Kids Auditions」，選出15名成員，其中8名於2004年組成「Berryz」，另外7名，包括矢島舞美、中島早貴、鈴木愛理、岡井千聖、萩原舞、村上愛、及梅田繪理香，則組成 ℃-ute於2005年6月11日出道。換言之今年就係 ℃-ute出道十週年紀念，所以都推出咗「十週年紀念寫真集」。

第9位：武井咲フォトブック bloom　(武井咲)

自少就想做模特兒嘅武井咲13歲時參加「全日本國民美少女」選舉，得到模特兒賞同媒體賞。之後正式出道成為少女雜誌「Seventeen」嘅專屬模特兒，仲曾經同佐藤亞璃紗及桐谷美玲以「貓眼三姊妹」的名義登上封面。2011年出演由戶田惠梨香同三浦春馬主演嘅富士「月九劇」《大切なことはすべて君が教えてくれた》而廣為人識。亦曾於2012年真人電影版《浪客劍心》中飾演「神谷薰」。

第8位: digi+KISHIN DVD「マナミ」 (橋本マナミ)

今年已經31歲嘅橋本マナミ(橋本愛實)又係13歲時參加「全日本國民美少女」選舉出道。由2001年10月推出首張寫真DVD《橋本愛実 age16》同首本寫真集《Bun Bun Bum》，至今已經有14個年頭，但身材樣貌依然保養得宜，近年成為寫真界輕熟女嘅代表。

第7位：4+3=7 (山田菜々)

山田菜々(山田菜菜)係前NMB48成員，今年4月3日(即係自己生日)正式從NMB中卒業，所以推出呢本《4+3=7》嘅紀念寫真集。點解會有個咁奇怪嘅名？「4」同「3」好明顯就係講緊「4月3日」，至於「7」嘅日文讀音(なな, NaNa)就同佢個名「菜々」係一樣嘅。

第6位：Ｆの旋律 (笛木優子)

今年已經36歲嘅笛木優子曾經係「東京勁舞娃娃(Tokyo Performance Doll)」嘅研修成員，後來出道成為演員，演出過《天氣預報員的情人(天気予報の恋人)》同情慾電影《新雪國》，而後轉到韓國發展，拍個多部韓國劇集與電影，仲拎過韓國電視台SBS嘅新人賞。之後又回流日本發展。2014年推出第一本寫真集《Bleu Velours》有唔錯反應，於是今年再出《F之旋律》。

第5位：鉄分多め。 - 関東編 -　(鈴川絢子)

與其話鈴川絢子呢本《鉄分多め。 - 関東編 -　》係寫真集，更準確啲講應該話係一本鐵道迷向嘅旅行書。鈴川絢子本身是搞笑藝人出身，但同時有以「鐵道迷藝人」身份作活動。近年結咗婚生咗他嘅佢就努力經營自己嘅Youtube Channel，但就算玩Minecraft都係起車站……

講返本書，就係向鐵路初心者介紹點樣遊玩關東嘅鐵道，當中有必食嘅便當、鐵道吉祥物介紹等等等等。

第4位：Yurina (柳 ゆり菜)

柳 ゆり菜(柳 百合菜)作為日本上半年嘅青少年雜誌封面皇后，人氣當然有返咁上下。上年10月推出第一隻寫真DVD嘅佢，伉年5月就推出埋第一本寫真集。賣點？當然就係佢嘅肉肉身型啦！

第3位：瞬間 (浜辺美波)

今年只係得15歲嘅浜辺美波，11歲時參加東寶嘅「Cinderella Audtion」得到「新世代賞」而入行，成為東寶旗下藝人。之後出演過《浪花少年探偵団》、《あの日見た花の名前を僕達はまだ知らない(我們仍未知道那天所看見的花名)》真人版等作品。而5月推出嘅《瞬間》就係佢第一本個人寫真集。

第2位：奇跡のH　(鈴木ふみ奈)

睇到張相，你都估到《奇跡のH》個「H」係指咩啦？鈴木ふみ奈由2009年開姑出現於各大雜誌嘅水著版面，2011年仲做埋「Miss Flash比賽冠軍」。自從2010年9月出咗第一隻寫真DVD後，短短五年間出咗18隻寫真DVD，證明佢銷毀相當唔錯。而根據《奇跡のH》嘅介紹，佢嘅賣點係充滿透明感、見到血管嘅「青根波」喎，睇過？

第1位：ＰＡＳＳＰＯ☆の脱皮　(PASSPO)

PASSPO係2009年出道嘅八人女子團體，以旅行、空姐等等為主題。而《PASSPO☆の脱皮》就係紀念佢哋出道即將六年嘅寫真集。不過講起佢哋近期最Hit嘅新聞，應該就係五月時，成員之一槙田紗子嘅Twitter突然出現大罵隊友，兼暗示事務所逼仍哋「陪瞓」嘅留言。不過事後事務所就話佢係帳號被偷喎。