{ SKIP }
文:MenClub 魏文青  
POSTED ON 23 Sep 2015

AV界從來都係「江山自有才人出,一代新人勝舊人」,唔好講幾年前引退嘅女優,就連幾個月前出道嘅女優大家都未必記得清。但每個男人都應該知道,當年,有個飯島愛。



呢位被譽為「平成御三姬」之一嘅AV女優於1992年出道,一身小麥色皮膚再加一頭金髮嘅反叛形象,與被譽為「超美形少女」嘅淺倉舞、一直標榜「零本番」嘅朝岡實嶺統領當時嘅AV界。更因為於深夜節目《東京情色派》掀起短裙露出丁字褲而被封「丁字褲女王」,亦因此而進入日本演藝圈。之後於2000年推出自傳《柏拉圖式性愛》,大談自己由一個品學兼優嘅學生,因為遇人不淑而被強暴、被迫下海、墮胎、援交等經歷。成為日本暢銷書之餘,連台灣都曾經賣斷市。



飯島愛於2008年12月24日被發現陳屍於家中,解剖後推斷為約一週前死於肺炎,距離現今已經有接近7年時間。但其部落格至今仍在繼續開放畀網民留言。其中最「新」一篇更新文章已經係2008年12月5日更新,到今時今日已經累積咗超過70000個留言悼念呢位一代AV天后。可惜嘅係呢個部落格將會於黎緊10月31日,即飯島愛生日當天正式結束。


「SMAP」隊長中居正廣於早前主持嘅電視節目中,透露收到飯島愛的父母嘅聯絡,表示他們自飯島愛離世後一直代其管理部落格,但由於年事已高,實在再無餘力可以繼續管理,於是決定於10月31日正式關閉部落格。而飯島愛的父母亦感謝網友們多年來持繽到部落格留言。


唔經唔覺,飯島愛就已經離開人世七年,相信好多有返咁上下「資歷」嘅Gents,都仲會記得佢嘅!
喺呢個瞬息萬變嘅世界,唔少人都會有所謂嘅「FOMO」(Fear of missing out)心態,即係認定機會只會短暫、單次出現,今次把握唔到就冇下次,所以必需時刻留意身邊所有事。但今晚要介紹嘅呢位「美波那緒」,就證明畀 ...
girls
【深夜】機會係有第二次嘅 軟萌系寫真女星「美波那緒」
01 Aug 2025
睇得我哋「深夜系列」嘅人,相信平時都會喺社交媒體睇下靚女,如果係咁,大家又覺唔覺得香港近年好似越黎越少漂亮嘅新面孔?好似睇黎睇去都係嗰啲人咁?喺呢方面日本寫真界就好得多,每年至少都有幾個一嗚驚人嘅新人 ...
girls
【深夜】三月出道爆紅 犯罪級玲瓏浮凸身材「髙野真央」
30 Jul 2025