如果你問我平時睇女睇邊到先，我嘅答案一定係腳－－唔單止因為我一個腳膠，更重要嘅係作為一個毒撚平時出街都係耷低頭唔敢望人，所以望極都係腳－－所以你冇估錯，無論係男係女我都係望腳先。有一個咁特別嘅習慣除咗令我對人嘅腳型有一定心得之外，另一個好處就係知道近排興咩鞋，例如早排嘅AJ Retro 11、Pump Fury、Stan Smith或者近排嘅神鞋NMD同Yeezy。有時遇到啲靚女靚腳加靚鞋真係一件賞心樂事。