長短皆宜中國Cosplayer「魔王院長的妹妹」

文：MenClub 魏文青　　
POSTED ON 15 Nov 2016

唔怕同大家分享，近排有一個問題非常困擾我，就係：究竟係長頭髮嘅女仔靚啲、定短頭髮嘅靚啲呢？是咁的，細細個睇周慧敏拍嘅洗頭水廣告，見到佢揈啲頭髮揈到仙女咁款，從自我就對黑長直嘅女仔產生一種莫名嘅情意結。但近呢幾年興短髮，好多女仔剪短頭髮都一樣咁正，例如韓國女團AOA嘅草娥咁真係正到飛哂天。所以我就好困擾，究竟長髮好啲定短髮好啲呢？

喺呢個時候，你哋一定會話，Why not both，長短髮各一咪得囉？冇錯，理論上呢個係正確答案——但就唔一定係最好嘅答案。我認為最好嘅答案係「只要你個人靚，就長短髮都靚」，而呢位來自中國嘅「魔王院長的妹妹」，就係我嘅答案。

「魔王院長的妹妹」係中國一名微博用戶，因為唔係名人，所以搵唔到啲咩個人資料，只係知道佢有玩開Cosplay，亦有同唔同攝影師合作影下相，例如上面呢啲就係上次介紹「六大牙兒」嗰陣介紹過嘅攝影師「Aaronsky」嘅作品。係咪影到好有八十年代Feel，又好清純呢！

不過其實呀「妹妹」近排已經剪咗一頭超短髮。雖然睇落就冇咗隻溫婉，但又特別咗好多，而且一樣都咁靚。所以我睇通咗，長髮短髮都唔係重點，個樣夠靚，冇頭髮都一樣靚。
魔王院長妹妹 on Weibo