【做人老豆要識食】點解炒貴刁係辣嘅？

文：MenClub William
POSTED ON 19 Jun 2017

今日瘋傳一名家長帶個仔去玩具展，去港灣茶記食飯時驚覺一道「炒貴刁」竟然有辣味，自己個仔唔能夠食，遂向餐廳投訴，這刻除了見到一名父親在父親節當日彰顯父愛外，我只能夠原句覆述「果然創新，第一次聽到呢個concept。」，你可知道，炒貴刁本身無錯，天生嘅辣一早注定，正如智商一樣。

圖片來自Facebook@唐生大地震炒貴刁來自潮洲炒粿條，因為「貴刁」就是「粿條」的閩南話發音，同台灣嘅粄條都係大同小異嘅食材，炒粿條係馬拉名物，通常加蝦仁、雞蛋、臘腸、綠豆芽等配料，以黑醬油同辣椒醬，或者蕃茄醬溝辣椒醬同炒。

不過炒貴刁即使來港多年，佢嘅身邊嘅配菜點點，都無改佢係「辣」嘅本質，本地茶記則以帶辣嘅黃咖哩醬同咖哩粉翻炒，將粿條換成廣府最常見嘅「河粉」，細個老豆就有講，米粉加左咖哩就喺「星洲炒米」，河粉加左咖哩就係「炒貴刁」，雖然落足料炒嘅茶記少之有少，不過若果你單用薑黃粉同味粉炒就香味大減啦。

所以話，唔識食，原來真係會教壞下一代嫁，第時個仔問你菠蘿包點解無菠蘿，我都希望你識得答啦。