唔知你記唔記得，我曾經提及過一套Netflix關於燒肉的紀錄片《Todo Sobre El Asado》（中譯：阿根廷的烤肉盛宴），風格超怪誕，不過真心激起我對阿根廷肉食的興趣，咁啱香港有酒店餐廳首推阿根廷燒肉，啱我心水！

君悅酒店的The Grill露天池畔餐廳，outdoor食燒烤自助餐，環境夠relax，加上近排無咁熱，夜晚仲有陣陣涼風，本身已經有多款新鮮沙律、海鮮冷盤及炭烤肉品如烤羊架及豬頸肉等，是有情調兼具食物質素的好選擇。

咁啱主廚Fernando Gojan 同屬阿根廷藉，更會為燒烤晚餐加入傳統特別菜式，阿根廷青醬烤雞、傳統辣肉腸及血腸、鮮甜的天使紅蝦、甜麪包、烤Provoleta芝士以及傳統牛肉餡餅等美食，特別在以慢火架烤六小時的Asado烤豬肋肉，燒肉的食物，同紀錄片中出現的畫面非常相似。

食得阿根廷燒肉Asado，一定唔可以唔飲酒，酒店調酒師特別為今次的主題挑選多款產自阿根廷的優質葡萄酒，並特別調製阿根廷醒胃酒「Fernet可樂」，或者你未聽過，「Fernet可樂」即是意大利Fernet-Branca藥草酒溝可樂，乃是阿根廷人最鍾意飲的飲料，本身單飲Fernet超級苦，過後種有些微甜味，不過阿根廷人就拎黎溝可樂，最能夠在草本味當中享受甜與苦的極致。

The Grill露天池畔餐廳（阿根廷燒烤美食供應期由即日起至6月30日）

地址：香港港灣道1號香港君悅酒店11樓

電話：2584 7722

時間：6:30pm - 10:00pm

價錢：成人每位$548

網上訂位︰hongkong.grand.hyattrestaurants.com

備註：所有價格另收10% 服務費。