天氣話凍唔凍，不過早幾晚夜咗收工，的確涼風陣陣，當時仲有點餓，我就知道，要食煲仔飯啦。西環坤記固之然係心中No.1，不過出到西營盤又真係唔太夠信念，同樣懶到唔想去大埔陳漢記，人在將軍澳，唯有商場鋪。

走復古風的茶記，近年大行其道，不過中伏率相當高。這間主打新派煲仔飯的砂煲兄弟， 擺到明就復古，以70-80年代的大排檔為藍本，比一般淘寶「冰室」來得細緻，地板花紋、茶水間擺設，仲有搵水彩畫家設計了兩幅舊香港街道的手繪。

煲仔菜做主打，當中不乏傳統懷舊煲仔飯，好似鹹魚肉餅煲仔飯、鮑魚滑雞煲仔飯、窩蛋牛肉煲仔飯等，不過講到明新派，餐牌上亦有一堆新派西日式的獨創菜式，馬來沙嗲火焰牛仔骨、東瀛抹茶櫻花蝦鰻魚煲仔飯、秘製札肉酸辣粉等，新派之中亦見誠意。

東瀛抹茶櫻花蝦鰻魚煲仔飯 / $78

先加入抹茶將飯煮熟，每粒米均勻吸收茶香，再把燒得外脆內軟的鰻魚放面，最後灑上香脆的櫻花蝦，濃濃的抹茶和鮮香櫻花味與鰻魚混合。

馬來沙嗲火焰牛仔骨 / $88

以秘製馬來香料配製而成的香濃沙嗲醬汁，淋在用砂煲熱力烤焗而成的牛仔骨，將焦香和沙嗲香味融入厚實鮮嫩的牛肉中，上菜時更會席上點火！

脆皮豬手 / $128

以砂煲兄弟祕製的古早味腌料腌製，並採用 SLOW COOK方式烹煮4小時，除了能令腌料味道更加滲透豬手肉中，亦令肉質更為嫩滑彈牙。然後再以高溫油炸鎖住肉汁和肉嫩度，

邪惡金沙西多士 / $38

塗上濃滑的花生醬的粒粒新鮮厚身方包，在每面都沾上新鮮蛋黃並以 180 ▫C 高溫半煎炸至金黃色，最後分別淋上香濃的朱古力醬、榛子醬及煉奶和灑上香脆的朱古力碎，邪惡極至。

砂煲兄弟

地址：將軍澳東港城1樓101號店

營業時間 : 8:30am - 22:30pm

電話：  2778 7020