{ SKIP }
文:MenClub William
POSTED ON 12 Mar 2019
今年大年初一,故宮紫禁城出現一間「故宮角樓餐廳」,日頭供應簡餐,夜晚的主打卻是故宮特色火鍋,每晚仲限定30鍋,主題同食物都同貫徹宮廷文化,一開爆紅,高居各大點評網站,甚至有食客未食完lunch 就黎排隊等打邊爐,之不過,喺開業只係短短1個月之際,上星期故宮宣佈,餐廳火鍋「斬立決」!
究竟衰咩?究竟衰D咩?明明餐廳開張後極速成為了北京新晉「打卡聖地」,預約更排到四月中。餐廳以乾隆《紫光閣賜宴圖》為主題,讓遊客兼食客可以身臨其境感受皇家禮樂、宴會、家具器皿、遊戲等宮廷文化,相傳慈禧愛吃的「萬壽菊花鍋」同埋點菜好想睇嘅「聖旨菜單」都相當 IGable,Sorry,係「小紅書」先啱,個個喺咁古色古香嘅環境用餐,點止別有一番韻味?
之不過,果然宮廷有關嘅事物,到最後都離不開鬥爭。近年唔少人都覺得故宮太過「商業化」(鬼咩,你返大陸有咩景點唔收錢呀?),而故宮博物院院方都致力改變呢個局面,建立「故宮餐廳」、「故宮書店」同「冰窖餐廳」等等,建立在故宮博物院對自身文化內涵的發掘,對民眾參觀遊覽需求的理解咁話(呢個來自官方),再者,火鍋只係故宮角樓餐廳冬季嘅一個項目,當作時令嘢咁睇啦。
你要知道,故宮作為北京第一大景點,錢從來都不缺,不過最怕「火」,唔係講緊故宮火鍋用燒碳火,而是用電磁鍋,並且在故宮外經營,真火燒不出,反而令遊客兼食客等得太耐、價格也偏高等等先至係「火頭」問題,令到故宮形象受損,就是上頭下狗頭鍘嘅主因。
宮廷內吃著宮廷火鍋看宮廷問題,這是要幹甚麼?
Jamie, Stay Strong!
gourmet
飲食王國崩塌 英國名廚Jamie Oliver餐飲集團正式破產
22 May 2019
超越在你們想像之外的食物實驗。
gourmet
【倫敦痴線實驗展覽】三星米芝蓮大廚Heston Blumenthal有份 用人體細菌培植芝士 ...
21 May 2019