{ SKIP }
文:MenClub William 圖:互聯網
POSTED ON 30 May 2019
威士忌酒友時不時都會留意新酒品,近日討論度相當高嘅兩支威士忌,唔係「蘇威」,唔係「日威」,竟然嚟自北韓同實驗室?前者是北韓首支威士忌Samilpo,後者就係第一支實驗室合成的威士忌,更係誠哥有份投資,誠哥我地熟少少,我實去酒鋪撐場呀(實情係北韓支威士忌未有得賣......)

BBC報導,專門承辦北韓旅遊的旅行社「Young Pioneers Tours 」早幾日公佈一個震驚世人

消息,北韓將於年底推出國產首支威士忌Samilpo,以北韓著名天然湖泊景點三日蒲(Lake Samilpo)命名,兩款威士忌分別有40%及42%酒精度,之不過威士忌嘅釀製年份、麥芽來源皆無詳述,只知道支酒聲稱「成份天然」,具有十五種氨基酸,有助預防肝臟損傷,飲酒同時護肝,除咗健康之外都唔知講咩,因為一切都相當神秘。



金仔之前都研發過唔少酒品,大同江啤酒都簡單啦,仲有同樣聲稱「NO HANGOVER」嘅人蔘酒同白蘭地,之不過最搞笑都係 2014蘇格蘭獨立公投,金仔曾經表態支持,因為佢好鍾意蘇格蘭威士忌,更期望用天然資源換取蘇格蘭威士忌,搞到搞獨立嘅議員都相當「老尷」。
另一邊廂,之前我地都介紹過嘅Glyph,即係全球首支分子威士忌,香港終於有得賣。李嘉誠旗下維港投資支持的美國三藩市的初創公司 Endless West ,研發出Glyph 是第一支由實驗室合成出來的威士忌,Endless West 團隊利用電子科學儀器,測量出威士忌中的分子與比例,只加入了 5%  蒸餾威士忌,再從天然素材中提煉出來重新組合,加上食用酒精調和而成,最後進行約24小時的化學合成,便製成一支擁有花香果香以及橡木風味的分子威士忌,而味道有力和真正威士忌比肩。
Glyph威士忌現在已於Watson’s Wine公開獨家發售,指定零售點包括新世紀廣場、國際金融中心、金鐘太古廣場及海洋中心五間分店,定價為$488,與入門威士忌相若,想試要趁手,應該好快賣晒。
對於香港人黎講,打邊爐素來都係不分季節嘅美食,即便係過去疫情期間大家出唔到街,但都可能會買急凍料返屋企食餐好嘅。好似本地網店ChumPlus就曾經於疫情推出急凍牛雜鍋,更大賣超過十萬份。近日佢哋更進駐觀塘巧得 ...
gourmet
【火鍋】疫情期間賣出十萬份 觀塘青藤椒牛雜鍋
21 Jun 2023
近日外國傳媒爆出,以「Salt Bae」之名走紅嘅土耳其籍廚師Nusret Gke,近年身陷多宗與前員工之間嘅官司,當中嘅罪名包括佢「剋扣貼士」、性別歧視、於餐廳內不公對待員工等。令佢原本就唔太好嘅名聲進一步受挫。 ...
gourmet
【美食】剋貼士、性別歧視「Salt Bae」被前員工連環控告
27 Apr 2023