{ SKIP }
文:米  圖:互聯網
POSTED ON 11 Jul 2019

近呢兩年珍珠奶茶喺日本hit爆,甚至延伸到創作埋一堆古靈精怪嘅珍珠暗黑料理,簡直係挑戰緊人類同珍珠嘅極限!之前MenClub介紹過日本人創作嘅一系列「珍珠奶茶料理」,例如「珍珠奶茶飯」、「珍珠奶茶奄列」等等,家下又多一味新搞作,就係「珍珠奶茶沾麵」!

日本嘅「麵屋武蔵」以沾麵起家,而佢每間店都有特色菜單,今次呢個「珍珠奶茶沾麵」就係位於東京田町嘅「五輪洞」分店所出嘅新菜式,唔少人一見到「珍珠奶茶沾麵」,都大無畏咁衝去試,真係估唔到,認真佩服!

呢個「珍珠奶茶沾麵」係喺奶茶裡面加入鰹魚高湯,聽落好似好怪咁,但食過嘅人都表示其實味道唔差,口味相當清爽,仲有啲似豆漿添。目前呢個「珍珠奶茶沾麵」套餐大約1000日圓,配料有蔬菜、雞肉、珍珠、麵以及一細碗杏仁牛奶可以添加。

聽聞香港嘅「麵屋武蔵」都引入咗呢款「珍珠奶茶沾麵」,如果大家喺日本食唔到,都仲可以喺香港試試。

因為疫情關係,唔單止大家嘅日常生活都受到影響,香港經濟亦大受衝擊,甚至影響部份人生計。Eaton HK就推出「 Pay It Forward 美味共享」行動,鼓勵尚有餘力嘅大家協助社區內需要幫手嘅弱勢社群。 「Pa ...
gourmet
【社區】Eaton HK 推待用飯 「Pay It Forward」
05 Aug 2020
咁女朋友呢幾日問你:「今晚食咩?」就唔使口啞啞啦!
gourmet
【外賣】今晚食咩好?高級餐廳外賣之選
22 Jul 2020