{ SKIP }
文:MenClub 魏文青  
POSTED ON 19 Oct 2020

雖然晚市已經開返,但因為有人數限制嘅關係,所以好多人都情願約朋友上屋企食飯算。問題係,如果你唔想買料煮飯而叫外賣,咁你大多數情況都只會食到Pizza、炸雞、壽司。其實外賣都唔一定冇好嘢食嘅,甚至仲可以有米芝蓮星級法國菜食添!

法國牛油麵包焗澳洲Mayura牛柳

藍龍蝦配紹興酒及釀蕃茄

TATE Dining Room係位於上環嘅米芝蓮一星級法國餐廳,而date by TATE就係佢哋推出嘅網上美食購物平台,當中就有同樣由TATE Dining Room廚房團隊製作嘅不同菜單。例如最新嘅「秋季美食盒」($1,180/位,5位起) 就係一份三道菜嘅晚餐。第一層為四款前菜,包括「焗蔬菜片配油封蕃茄及硬豆腐」、「醉雞捲配 Aubergine魚子醬及芹萵沙律」、「鵝肝凍配菊芋忌廉及花生」、「鮑魚飯配雞肉和海帶」;第二層就係主菜,可以揀「法國牛油麵包焗澳洲Mayura牛柳配烤青蘆筍及四川牛肉汁」或者「藍龍蝦配紹興酒及釀蕃茄」;最後一層就係用上當造栗子嘅「意大利芝士餅配朱古力餅、栗子忌廉和牛奶朱古力」以及法式小甜點。

而且每份秋季美食盒都包埋招牌麵包籃、兩款餐廳精選的法國芝士、預製的martini雞尾酒配手精細的鍍銅martini杯、一套6件的黃銅製餐具等「週邊」,令你喺屋企都可以享受米芝蓮星級體驗。

網上落單後大家可以揀日子及時間送貨,但要留意嘅係唔同日子嘅送貨時間會有些少唔同,同埋係有運費嘅 (港島$200、九龍$300、新界$500),再唔係你揀自取都OK。順帶一提,食完如果你退返個盒,下次再幫襯就有$150優惠,如果你想Keep住個盒就係加$500。

資料來源:date by TATE

位於IFC嘅La Rambla by Catalunya除咗以開揚嘅維港景室外座位而聞名,由來自巴塞隆那嘅主廚Ferran Tadeo主理嘅新派加泰菜亦係賣點。而Ferran最近就設計出新嘅秋冬時令海陸餐單,用上來自本地以及海外精選地區嘅時令 ...
gourmet
【本地美食】西班牙食府La Rambla by Catalunya推秋冬海陸餐單
26 Nov 2020
早幾日介紹Rosewood酒店內嘅扒房「HENRY」推出威士忌配對菜單,我仲話「威士忌配嘢食唔多見」,點知轉頭就見到Grand Hyatt Steakhouse都同另一個蘇格蘭威士忌品牌「Mortlach」推出配對菜單都好,即係如果大家對「威 ...
gourmet
【本地美食】Grand Hyatt SteakHouse x Mortlach 威士忌配對菜單
25 Nov 2020