黑松露相信唔少朋友都逃唔過佢嘅香氣，呢種獨特嘅香氣確實令人欲罷不能。而踏入秋涼之際，亦都係黑松露當造嘅時候，所以黑松露迷又係時候出動啦！

今次想同大家介紹下Shake Shack期間限定嘅黑松露系列，佢地巧妙咁將黑松露融入三款經典美食當中，有機會可以去試下。

第一款係Black Truffle Burger，以瑞士芝士牛肉漢堡配搭秘製黑松露蛋黃醬，入面仲有香脆紅蔥頭及火箭菜，當中漢堡肉以無添加激素及抗生素嘅100%全天然安格斯牛肉打成。

第二款係Black Truffle Chick’n，以香脆雞胸肉漢堡配搭秘製黑松露蛋黃醬，入面則有醋漬紅蔥頭及火箭菜，當中雞胸肉一樣都係無添加抗生素，並且100%為天然走地雞。

最後一款為Black Truffle Fries，Shake Shack招牌薯條配上黑松露蛋黃醬，並且喺上面灑上香脆紅蔥頭及香蔥，香味更盛。

今次三款期間限定黑松露系列食品，喺6間分店都會供應，不過限量架，睇下你有無幸食到啦。