中國一向以稀土作為自豪戰略把戲，不過最近國內停止稀土出口，大家以為係打擊外國勢力，殊不知係搬石頭砸自己腳，北京當局為保護環境、維持高價對稀土作限產，第一傷及反而係國內龐大嘅需求，迫使中國製造商轉而依賴海外稀土大廠，戲劇性急急向美國、緬甸的進口稀土。需求驟增其中一個原因係中國電動車生產量激增，中國今年上半年的稀土進口量較去年同期激增 74%，原材料顧問坦言，「中國稀土已不再自給自足」。數據同我一直所接收以為童叟無欺的稀土大國有所唔同，我過去老欺都唔信中國要進口稀土仲要向美國進口。媽！我好亂...

截至2019年全球稀土有超過60%來自中國生產，美國為第二大生產國、佔比重12%。不過，官方數據顯示，中國今年上半年的稀土進口量卻較去年同期激增74%。熔煉廠、磁鐵商等稀土消費者今年開始紛紛轉向海外落單購入稀土。由於中國經濟自疫情後快速復甦，令稀土供應變得更加緊張。五礦稀土一名高層表示，中國電動車第三季生產量年增了32%，係國內稀土需求驟增的原因之一。

根據內蒙古轄下包頭市上年度的一份報告顯示，當地磁鐵工廠因為稀土短缺、產能利用率只剩唔到50%。相似的情況導致好多中國企業轉而向美國唯一一間稀土採礦業公司Mountain Pass Materials以及緬甸供應商購買稀土，兩者分別佔中國上年稀土進口量的38%以及30%。Mountain Pass Materials的主控權掌握係美國投資人手上，但呢間公司有10%股權由一間中國企業擁有，而從美國入口的所有稀土礦都係運送到中國之後再加工處理。

可能由於中國實在太強大，其內需遠超所有國家，因此，即使作為全宇宙最大稀土王國，都依然需要進口，認清事實以稀土作外交籌碼原來係真﹒搬石頭砸自己腳。