喺「和牛」呢個字未普及之前，「日本神戶牛」基本上就係「好食嘅日本牛肉」嘅代名詞，而要食神戶牛當然要去幫襯神戶嘅燒肉店，而講起神戶燒肉店就絕對不能不提名店「石田屋」。而由今個12月開始，大家唔使去到神戶都能夠食到石田屋啦，因為佢哋第一間海外分店，就係開喺香港中環！

石田屋首間海外分店坐落於中環蘭桂芳街口嘅世紀廣場三樓，菜單由創辦人兼社長石田清憲精心設計，集合來自得到日本紫色菊花商標養殖場嘅和牛，以至其他高品質日本優質牛肉，另外亦有從日本新鮮進口的豬肉、雞肉、海鮮及各種新鮮蔬菜和沙律，為大家提供全面嘅日本風味。當然亦唔少得日本清酒、燒酒、生啤、威士忌，令大家唔使去到日本 (當然依家都冇得去)，都可以品嚐到來自日本嘅美味。

香港石田屋預計於12月11日開幕，屆時將會提供午餐及晚餐兩個用餐時段，但目前就未有訂位方法。想第一時間食到嘅大家，可以留意佢哋嘅社交網站Update。

香港燒肉石田屋

社交平台：YakinikuIshidaya.hk (IG/Facebook) 

地址 中環德己立街1-13號世紀廣場3樓