近日一款日本廣島縣三原市嘅八爪魚名物「廣島八爪魚天丼」，正式黎到香港嘅DONDONYA，鍾意新鮮、彈牙口感嘅你，絕對可以諗諗去試下。

三原市位於日本瀨戶內海沿岸，一直以絕美風景及天然海產見稱。除了自然風光優美之外，瀨戶內海天然海洋資源亦非常豐富，其中特別適合八爪魚棲息，因此三原市自古以黎就有「八爪魚之町」嘅美名。今次DONDONYA與三原市當地人氣餐廳「ラーメン康」聯乘推出嘅呢款「廣島八爪魚天丼」，以新鮮八爪魚製作，每日僅售10客，足以知道究竟有幾珍貴。

「廣島八爪魚天丼」係廣島縣「海鮮丼物選手權」比賽入面嘅優勝者，以廣島縣名物八爪魚打造嘅丼飯，更曾於日本全國美食競賽組織「丼物選手權」中亮相，因此便成為當地名物。

丼飯入面嘅八爪魚，肉質彈牙、新鮮，其中八爪魚混以大蒜後再沾上天婦羅烹調，入味軟嫩，外脆內軟；配上Wasabi山葵、一味粉及醬油釀製嘅醬汁，可以話充滿日式風味，並且完美帶出八爪魚嘅鮮甜！