我相信大部份《龍珠》Fans，都對悟飯呢個角色抱有一份特別嘅感覺，話哂我哋都睇住佢出世睇住佢大、睇住佢去娜美星、打斯路、溝女結婚生仔，感覺就好似睇住個世姪慢慢長大咁。而同時，悟飯亦算係《龍珠》中最多這型變化嘅角色，其中一個經典造型，就係初初出場時頭戴四星珠嘅小朋友造型，亦即係呢個Gigantic系列新產品中用到嘅造型啦！

Bandai嘅Gigantic系列賣點從來都一個「大」字，而呢個用上悟空抱住悟飯初登場畫面為藍本嘅玩偶當然亦唔例外。全高46cm、仔細還原悟空開朗嘅打招呼，以及悟飯嘅好奇可愛樣。悟飯頭上嘅四星珠亦使用半透明材質，亦都還原咗佢條尾嘅質感。