天時暑熱，有時的確會令人失去胃口，就算要食都會選擇清爽開胃的食物。但若然你與我一樣無肉不歡，而且熱愛日本和牛的話，又有冇唔膩口嘅選擇？位於銅鑼灣的N.I.C.E Yakiniku & Fine Wine，可能就係一個好選擇啦。

先旨聲明，N.I.C.E.選用嘅係深受日本人推崇兼且曾獲獎嘅日本宮崎和牛，其賣點為油花細緻且入口即溶，所以理論上佢哋啲肉依然係「油膩」嘅。但師承多家城中頂級餐廳，如米芝蓮星級餐廳ZEST by Konishi丶壽喜燒名店「日山」及香港君悅酒店等嘅資深大廚Kennie，就於晚市Omakase餐牌「ミドリ（Midori，每位HK$1,480）」中，加入當造的夏季蔬果，如來自日本高知縣嘅茄子丶沖繩苦瓜，又或來自德國嘅白蘆筍及濃甜多汁嘅荔枝等，為和牛燒肉注入清新風味。亦中和和牛帶來的油膩感。

「火炙A5和牛冷麵」

「炭燒慢煮和牛肩胛肋眼心

「煙燻醬油漬鰹魚」

但當然，去得一間和牛燒肉店，蔬果就算再好食都只係輔助，主角依然係肉。「ミドリ（Midori）」菜單嘅焦點落於「特選炭火串燒配日本季節蔬菜」，以香港少見嘅木炭明火燒烤製成，串燒散發陣陣炭燒香，豐富口味層次。主菜方面有「炭燒慢煮和牛肩胛肋眼心」及「火炙A5和牛冷麵」，令食客品嚐到不同和牛部位嘅獨特風味。菜單另備鹹鮮味濃的「煙燻醬油漬鰹魚」丶「和牛海膽茶漬飯」及「鹽烤香魚」等餐前小食。

另外惠顧任何晚市菜單及早午餐菜單，亦可以優惠價加選「打卡必備」嘅「A5宮崎和牛牛柳三文治」，三成熟和牛入口即溶，配上特別訂製、厚身鬆軟的麵包以及特別醬汁，中和油膩感令大家能夠更清晰地品嚐和牛的香氣。

特別值得一提的是，N.I.C.E. 的酒單選擇亦非常豐富，能夠配合不同食材達至相輔相乘的效果。例如清酒方面有「潟舟純米酒」丶「今代司極辛口純米酒」及「辯天亀の尾純米大吟釀原酒」；葡萄酒方面就與Wine1000plus合作，顧客可以先到網站選購心蝕紅酒，再由餐廳團隊提供專業醒酒及品酒服務 (開瓶費為每瓶HK$500元)。

N.I.C.E Yakiniku & Fine Wine

地址：香港銅鑼灣渣甸街66號亨環7樓

營業時間：星期二至星期日，中午12時至下午3時及下午6時至10時

電話：2886 4838、5220 9066

Instagram：www.instagram.com/niceyakinikufinewine/

Facebook：www.facebook.com/niceyakinikuandfinewine/