每當動漫出現嘅物品被實體化，都會令人又怕又期待。怕嘅，係呢件二次元聖物會畀人整柒咗；期待嘅，係有機會親眼見到、掂到、甚至擁有只應二次元先有嘅聖物。整得柒就當然會小到佢PK，就好似啲動漫真人化咁，有邊套唔係畀人插到飛起？因為太難完美重現二次元畫面，所以啲人就覺得真人版永遠都糟蹋了原作。之不過～如果將動漫入面嘅嘢重現得靚靚仔仔，又另當別論，你睇美少女戰士20週年啲Product幾受歡迎就知啦～

除咗少女動漫成日被實體化外，其實少年動漫都有唔少嘢降臨三次元世界！經典漫畫One Piece就係其中一個。大家仲記唔記得路飛點解會唔識游水？就係因為佢細細個食咗粒惡魔果實，身體變成橡膠體質，結果就「被大海唾棄，終其一生都是旱鴨子」。

雖然有無法游泳呢個副作用，但如果你有機會食到惡魔果實得到特別能力，你又願唔願意呢？