{ SKIP }
文:MenClub Mean娜  圖:互聯網
POSTED ON 12 Jun 2016

夏天逐漸迫近,相信除咗一眾曬波腰又曬蘿嘅女士之外,想Show肌嘅男士都紛紛尋求減肥方法,特別過咗端午節食完幾隻糭,之前減嘅脂肪即刻返晒嚟,愛回家到呢……雖然減肥最有效嘅方法就係運動,但如果唔控制一下飲食,一樣有排都未減得成。唔少女士都會選擇食少啲,靠節食去減肥。不過對男士嚟講,飽肚最實際,唔食飽又邊有氣力操肌呢?


話就話減肥期間最好避免碳水化合物,但由細到大,白飯都係生命中不可缺少嘅糧食,真係餐餐都要食佢先有滿足感!



咪住先,望真啲,有冇巴打覺得上面碗「白飯」有啲唔對路先?其實上面嗰碗係椰菜花「飯」就真!


其實椰菜花營養非常豐富,既可以增強抵抗力,又有比得上白飯嘅營養素,仲唔怕有過多澱粉醣類,啱晒減肥嘅朋友!


而外國而家就好流行椰菜花「飯」,就係將椰菜花白色碎花部分,整碎加熱,直接代替白飯,健康又好味。佢嘅做法都非常簡單,就係將椰菜洗乾淨後,切碎白色碎花,跟住用微波爐加熱,就可以當白飯咁食。記住千祈唔好用高溫烹煮,因為椰菜花嘅維他命B同埋維他命C都屬於水溶性,容易受熱流失,所以用微波爐加熱就ok。


之後你就可以好似平時食飯咁,配小菜又得,撈埋好似炒飯咁又得,只要換上椰菜花「飯」,卡路里已經比一般白飯少好多,份量自然都可以食多d啦!


Source︰http://glutenfreecooking.about.com/od/Gluten-Free-Recipe-Roundups/tp/11-Gluten-Free-Cauliflower-Rice-Recipes.htm

想在外面準確而有型地叫酒始終需要一定經驗和認知,但若果沒有太多時間去由零開始,不妨利用幾個小竅門。
gourmet
五花馬 - 新手上路 餐廳 Wine By Glass 攻略
14 Oct 2019
畀啲新選擇自己
gourmet
中菜新選擇 樂活煮意私房菜
10 Oct 2019