兩個鼻、三隻手、四隻腳呢啲基因突變造成嘅畸形個案，大家都聽唔少，而且近年仲愈來愈多呢啲現象，不過外國就有一個好特別嘅例子，就威盡全世界！各位觀眾，究竟係乜嘢基因突變咁把炮？就係……「兩條丁」！

美國就有個天生有兩條丁嘅男人，出咗本名為《Double Header: My Life with Two Penises》嘅自傳，訴說自己25年來嘅驚奇人生。

我知我知，呢單嘢唔係咩新鮮事，實有人話old news is so唔識串，不過你知道有單咁嘅新聞、咁嘅自傳之外，關於兩條丁嘅真實生活，你又知幾多先？相信其實好多人都覺得好好奇，但叫你真係做research、睇書去了解多啲，你又未必會，而家呢位人兄又再出書，今次係更露骨嘅《Double Stuffed: Steamy Tales From My Life With Two Penises》，喺大家睇呢本書之前，不如就回顧一下兩條丁嘅網上問答History，睇下兩條丁嘅生活係快樂定痛苦？

Q：女人發現你有兩條丁丁後，會有咩反應？
A︰因人而異，有啲人會好興奮，有啲人會好反感，但大部分人都係覺得好好奇。不過多數女人都覺得兩條丁好嘔心，所以我都係搵男伴一夜情比較多，不過而家已經冇再一夜情，因為感覺好空虛。

Ｑ：你扯旗時會係咩情況？
A︰我通常都係左邊硬先，硬到一定程度就會停，換右邊硬，而且係完全硬晒。有時候如果我想嘅話，左邊條丁都可以繼續變大，不過可能需要小道具去幫忙，先可以兩邊一樣硬。

Ｑ：你有冇諗過做AV男星？
A︰幾年前有，但最後決定唔做，我諗過我可能會紅一排，然後又會畀人跑過。我見到AV業報酬其實唔太好，而且我又唔係特別需要錢，而家咁已經好好，所以我冇需要為我嘅自尊出價。我將自己嘅相放上網，只係因為我希望其他人知道，真係有兩條正常陰莖嘅人存在。

原以為有兩條丁，應該對女女好殺食，點知畀人嫌棄仲搞到要搵男伴一夜情。Any肥，佢嘅情色生活自傳《Double Stuffed: Steamy Tales From My Life With Two Penises》今年即將推出，除咗hehe我估應該都有男女啪啪啪部分，有興趣嘅巴打可以留意一下。