【真．街頭風味】入冬4大炭爐火鍋店

文：MenClub William 圖：互聯網
POSTED ON 29 Nov 2016

一下子就入冬，雖然無咗個秋涼，但凍凍地就係打邊爐嘅最佳時機。要講最有風味嘅邊爐，首推炭爐，係舊時的驅寒之法，冬天圍爐而食，搭著矮枱，炭火更具風味，不過由於申請炭爐極之麻煩，要經「萬惡的食環」肯首，再得消防和環保署審批，難過登天。近兩年如元朗的新豪記、旺角的和味菜館都一一由炭轉gas，這種冬天限定的風味，依家仲剩幾多間？

增煇藝廚（深水埗）一班人喺深水埗食小菜，增煇會喺頭幾位，除咗真心好食嘅招牌菜「頭抽雞」，店家啱啱推出嘅三款懷舊炭爐煲仔菜式，「炭爐古法羊腩煲」、「麻辣雞煲」同「生滾鴛鴦米海鮮粥」。羊腩煲同炭爐天生就好夾，風味更佳。而海鮮粥則由客人先揀海鮮，即場用粥底「自煮」生滾，最後加埋脆米通，海鮮味鮮到一個點。

「炭爐古法羊腩煲」（$368，奉送唐生菜一碟）

「生滾鴛鴦米海鮮粥」（粥底每鍋$98、海鮮－時價)

增煇藝廚（深水埗）地址：深水埗石硤尾街31-33號電話：2778 8103 營業時間：18:30pm - 02:00am 備註：接受現金及一般信用卡，不設加一

鴻福海鮮四季火鍋（土瓜灣）單講鴻福個名未必有印象，但講起呢間火鍋店是電影《無間道2》取景地，一班江湖大佬邊講數邊打邊爐，貼地到一個點。本身鴻福都係香港碩果僅存嘅炭爐火鍋，要入去先要經過巷仔，環境談唔上乾淨，尚且算企理，但食物有質素，尤其是海鮮，所以即使位置隔涉，依然晚晚爆場。


鴻福海鮮四季火鍋地址：土瓜灣落山道86號地下巷內電話：2365 0112 營業時間：18:30pm - 04:00am
金和記海鮮菜館（小金和）（深水埗）炭爐火鍋愈做愈少，基本上也只出現在舊區一帶，幸好深水埗九江街還有一間金和記。遠離福榮街一帶人多地方，是麻甩兄弟幫的聚腳地。同樣，海鮮出奇地新鮮，湯底簡單，豬骨或胡椒雞煲，一樣好食。地點就腳，食晏少少都唔擔心。

金和記海鮮菜館（小金和）地址：深水埗九江街145號電話：6213 0005 營業時間：18:00pm - 02:30am

廣東人小廚（沙田）新界區嘅炭爐食店少之有少，唯獨僅餘沙角的廣東人小廚（之前在河畔花園）。不過作為沙田友，睇住呢間多次搬鋪，仍依然使用炭爐嘅堅持感到欣賞。但之前食店網評劣多於佳，又批評食物價錢偏貴的食店，服務又平平（唯老闆熱情），除左之外，恐怕沒有機會再食第二次。廣東人小廚地址：沙田沙角邨熟食中心電話：2686 1778 營業時間：5:00pm - 02:00am (星期一休息)