{ SKIP }
文:MenClub 魏文青  
POSTED ON 12 Apr 2022

曾經有個人同我講過,佢養寵物嘅主因唔係因為佢鍾意寵物,而係佢覺得養寵物後就可以約女仔出去放狗呀、叫女仔上黎睇下隻貓打後空翻呀,溝女就變得更加容易。雖然驟耳聽落去會覺得佢非常缺德,但近日一個芬蘭研究就證實,養貓的確係會令人有更多性伴侶,而且仲會更加高、更加大隻、更加雄壯——點解咁神奇?原因係出自你主子身上嘅弓形蟲。

芬蘭Turku大學嘅研究團隊,搵黎213名成年人,收集佢哋嘅自我吸引力評分、性伴侶數目、體重、握力、伴侶價值 (即係量化一個人嘅吸引力)、面部比例及面部對稱程度等,然後就發現體內有弓形蟲寄生嘅人,不論男女嘅面部都比較對稱 (面部對稱係靚唔靚嘅其中一個條件)、而且會令人覺得佢哋更加吸引及健康。而被弓形蟲寄生嘅女性平均體重會輕10%,自信會更高,而且性伴侶數目會更多。而男性就會平均高3cm、面部特徵會更加男性代 (Masculine),而且體內睪酮數值亦會更高。

弓形蟲常見於泥土、生肉及係貓嘅便便之中,所以只要有養過貓或者有長時間接觸,就有好大機會會被感染,不過弓形蟲對人體基本無害,所以絕大部份感染者都唔會知道自己已經被感染。目前暫時未知點解弓形蟲會令人類宿主更加吸引,不過研究員Javier Borráz-León就估計,可能係弓形蟲希望增加自己傳染其他人嘅機會,所以令你更加吸引。過往曾經有研究指,弓形蟲會令老鼠失去對貓嘅恐懼,並主動接觸貓。

資料來源:Are Toxoplasma-infected subjects more attractive, symmetrical, or healthier than non-infected ones? Evidence from subjective and objective measurements

唔少奇幻故事中都會出現各種「魔藥」,當中又以飲一啖就能令對方愛上你嘅「愛情魔藥」最令各位男女心動。但原來愛情魔藥並唔係奇幻故事先有嘅嘢,有學者近日就公開指出,能幫助大家搵到愛情、又或令情侶再次墜入愛河 ...
healthandfitness
【兩性】學者指「愛情魔藥」最快三年內面世 或含搖頭丸成份
10 Jun 2022
都市人越黎越夜瞓,但返工時間就咁多年黎都冇變,於是唔少人都習慣平日瞓幾個鐘就起身返工,放假就狠狠地瞓十幾個鐘。但近日一個日本研究就發現,放假「補眠」唔單止冇助恢復精神,更加會影響睡眠質素、以及平日時嘅 ...
healthandfitness
【健康】日研究發現假日夜瞓影響平日精神
09 Jun 2022