{ SKIP }
文:MenClub 魏文青  
POSTED ON 11 Nov 2022

「被害妄想 (Paranoia)」嘅定義為「相信他人有意傷害自己」,過往一直被認為係一種精神疾病,不過近年醫學界就開始認為「妄想」其實更似係一種人格特徵,每個人都有某種程度,只係或多或少咁解。而為咗進一步了解「妄想」,英國Southampton大學心理學系嘅Lyn Ellett就針對「寬恕」與「被害妄想」之間嘅關係進行研究。

圖片:Unsplash

Lyn Ellett及其團隊對於「寬恕」與「被害妄想」進行一系列測試,其中一個測試搵黎102名英國大學生,並要求佢哋完成一份虛構嘅「寬恕度問卷」,完成後將學生分成兩組,分別收到「高寬恕度」及「低寬恕度」嘅虛構評分,團隊再要求學生們「解釋」呢個虛構評分,以「誤導」佢哋相信自己嘅寬恕或高或低。最後學生們被要求完成一份真正嘅被害妄想程度問卷,以得出「寬恕度評分」會否影響「被害妄想程度」。

圖片:Pexels

結果就發現,得到「高寬恕度」虛構評分嘅學生,其「被害妄想程度」亦會較低;反之得到「低寬恕度」虛構評分嘅學生,其「被害妄想程度」就會較高。Lyn Ellett表示,呢個結果證實一個人嘅「寬恕度」與其「被害妄想程度」呈反比關係,越能夠寬恕其他人,甚至只係覺得自己能夠寬恕其他人,就唔容易妄想其他人想害佢。

資料來源:Dispositional Forgiveness Buffers Paranoia Following Interpersonal Transgression

如果直接用130萬嚟追女仔,會唔會更有效率呢?
healthandfitness
【值得嗎?】165cm美國男因識唔到女友 豪花130萬做手術增高13cm
14 Apr 2023
日本女電競選手たぬかな,去年因為嘲諷「矮人冇人權」而被封殺,今年初復出後又指「矮人小器又暴燥」再次炎上。不過近日一個研究就發現,原來身高真係同一個人嘅心理健康有關,而且矮人的確會更傾向擁有「黑暗人格」 ...
healthandfitness
【研究】美國研究指矮人更易擁有「黑暗人格」
06 Mar 2023