呢單消息唔少人都以為係大陸微博用戶爆料，但其實係將會同EA Sports嘅設計師James Culverhouse自爆，佢近日喺自己嘅YouTube公同behance開概念影片同埋封面設計，影片入面見到《FIFA 18》Xbox版嘅主介面同遊戲式，好似足球征程第二季、FIFA STREET同球衣編輯模式等。雖然有咁多新嘢玩，佢就冇開波試玩，所以估計只係概念影片，未必係遊戲程式。

記得《FIFA 17》推出前就玩投票決定封面球星，結果萊斯成功壓過占士洛迪古斯、馬素爾同埋夏薩特，成為封面球星。今年《FIFA 18》未知會唔會繼續搞公投，但James Culverhouse就已經「內定」咗係曼聯球員，除咗主畫面有保巴之外，遊戲盒封面仲用埋拉舒福特。不過睇返佢設計嘅宣傳圖片入面，其實仲有祖記嘅戴迪拿、車仔中場簡迪同埋最近頻傳出離開多蒙特嘅艾巴美揚，唔知大家今年心水又會係邊個呢？我就會揀保方喇！

James Culverhouse