{ SKIP }
文:MenClub Mr.波特  圖:互聯網
POSTED ON 17 May 2017


自從「格鬥狂人」徐曉冬出黎20秒KO太極拳大師魏雷後,一時之間中國傳統武術被認為只係虛有其表,完全跟不上時代,面對現今嘅格鬥技可說得上係毫無還擊之力。




對於中國傳統武術被看低,唔少老師傅都睇唔過眼,紛紛出黎挑戰現代格鬥技,一場腥風血雨嘅武林大會好似即將上演一樣。



近日內地又有傳統武術大師出黎挑機啦,今次呢位大師係八卦掌嘅老師傳,佢走入去一間泰拳拳館踢館,搵到泰拳與綜合格鬥季軍董健並對佢進行挑戰。



八卦掌 vs 泰拳MMA結果又會點呢?


喺雙方對決嘅影片可以睇到,八卦掌老師傳選擇徒手上陣,只係小腿同重要部份穿上保護物。雙方立好架式就正式展開呢場對決啦,而喺對決嘅頭十秒,兩位選手都係觀察對方嘅動靜,突然老師傅開始使出佢嘅八卦掌步法主動試探對手,但係鏡頭一轉董健就黎一腳轉身直踢,幸老師傅成功接住佢呢一踢,之後兩個人就攬埋左,而當老師傅甩開董健個一刻,董拳就使出右拋拳,重重打喺老師傅嘅頭上。



就喺中左董健呢一拳後,老師傅發覺自己左手出現不適,並需要裁判協助幫佢拉一拉筋,搞左大慨接近1分鐘,老師傅終於可以繼續比賽。不過,當再次埋身嘅時候,董健唔再留情啦,佢連續出拳,大部份都成功打中老師傅嘅頭部,打到佢成個坐左落地,而係地嘅老師傅就想捉住董健隻腳,但係係推開佢嘅時候自己再一次跌左落地,好明顯佢已經比對手打到暈得一陣陣。


雙方大慨分開左10秒左右後,比賽又再繼續展開,今次董健更加早著先機,放一招大招直接飛踢把老師傅踢到飛左落地,之後佢企番起身,董健就唔放過佢咁連踢帶拳不斷攻擊老師傅嘅頭部,最後老師傅被打到跪左落地,兼且舉手示意投降。


就係咁,董健用左2分鐘時間(其實有1分鐘係老師傅手部受傷需要休息)就成功KO黎挑機嘅八卦掌大師。今次對決再一次證明,現今嘅格鬥技喺真正嘅對決上更加佔優,而八卦掌明顯都唔知點去防守對方出嘅拳,實在係令人有啲失望。



繼太極同八卦掌都先後慘敗後,究竟下一次會有咩門派嘅高手出黎挑戰現代格鬥呢?實在太令人興奮同期待啦!!


補上一場自稱武當弟子挑戰拳手嘅對決,拳手單單用左7秒就將武當弟子KO在地了...


人氣搞笑動漫《Keroro軍曹》事隔16年再度回歸,宣布明年再推全新劇場版動畫!今次仲請嚟ano同粗品攜手獻唱新主題曲,各位「愚蠢嘅藍星人」準備好出年入戲院未? iframe width="560" height="315" src="https://ww ...
hobby
【動漫】《Keroro軍曹》全新劇場版2026年夏季上映 ano聯手粗品獻唱主題曲
04 Jul 2025
由Christopher Nolan執導嘅史詩鉅作《The Odyssey(奧德賽)》仲有一年左右先上映,但首部預告片日前已聯同《Jurassic World: Rebirth(侏羅紀世界:重生)》喺北美戲院一齊播出。不過,有觀眾就偷錄咗影片,並上傳 ...
hobby
【影視】Nolan新作《The Odyssey》首部預告已在戲院播出 內容隨即被盜錄公開到網上
03 Jul 2025