{ SKIP }
文:MenClub Mr.波特  圖:互聯網
POSTED ON 18 May 2017


遲黎嘅東岸決賽今日終於正式上演,由於塞爾特人係今季常規賽嘅東岸一哥,所以佢地將會有今個系列賽嘅主場優勢。不過,騎士始終係衛冕總冠軍,再加上佢地早早已經打完次圏,所以獲得9日嘅休息時間,相反塞軍岩岩同巫師打完「搶七」,體能上應該仲未回復,所以外界一致睇好騎士可以再次殺入總決賽。




面對外界一致看淡,塞軍上下當然唔想被睇死啦,之但係當比賽正式開始,就已經睇到雙方實力嘅分野,特別係塞軍根本無一位球員可以限制「NBA第一人」LeBron James。


如果你有睇下今場啲精華,可以睇到「大帝」面對塞軍嘅防守就好似不費吹灰之力就輾壓殺向籃框,而塞軍嘅防守球員就只可以喺籃底下面睇住「大帝」表演。就係咁LeBron就獨取全場最高嘅38分,同埋交出9籃板7助攻。塞軍面對LeBron真係無晒乎,打三號位嘅佢無論身型、力量定速度都係一個Bug,塞軍派Jae Crowder又或Kelly Olynyk都完全跟唔到佢嘅腳步。而唔只要防守佢嘅坦克車衝擊,仲要防住佢獨到嘅傳球路線,真係唔係人人做得到。


塞軍今仗其實已經好盡力,但係明顯佢地唔夠騎士打得硬朗,單睇罰球已經令塞軍陷入被動,而呢樣就正正係塞軍今日落敗最大嘅原因。全場騎士一共獲得35次罰球機會,並且命中28球,咁塞軍呢? 塞軍今仗只有18次罰球機會,只命中10球,單係罰球塞軍已經遠遠落後騎士18分啦。更重要嘅係,塞軍送左咁多罰球比騎士,自身球員當然犯規唔會少,其中Marcus Smart就喺上陣21分鐘下,6犯離場,而大部份時間防住LeBron嘅Jae Crowder全場亦有5次犯規。


其實塞軍今仗早喺第三節已經可以宣佈投降,因為佢地曾經落後超過25分,而喺第四節大部份時間佢地亦都落後20分左右,最終騎士以117:104擊敗塞軍,雙方實力嘅分野就咁睇真係有啲大。



騎士宜家拎住1:0嘅領先優勢,但係下場塞軍仍然有主場之利,所以呢支衛冕冠軍都唔可以太過掉以輕心,如果唔係一切都有可能發生。



全場比賽精華





雖然Johnny Depp早於2022年就贏咗與前妻Amber Heard之間嘅緋謗案,理論上就洗清之前嘅家暴污名。但唔知係咩原因,過去幾年佢一直都係出演歐洲電影或獨立電影為主,似乎仍然未能回到荷里活圈子之中。不過近日佢先係拍 ...
hobby
【影視】Johnny Depp回歸荷里活大片 將出演狄更斯名著改編《聖誕頌歌》
24 Oct 2025
繼《Breaking Bad(絕命毒師)》及《Better Call Saul(絕命律師)》後,著名製作人Vince Gilligan再度出擊,為影迷帶嚟一部全新原創科幻劇集《Pluribus》,並邀請到《絕命律師》女主角Rhea Seehorn主演﹐將於今年11 ...
hobby
【影視】《Breaking Bad》主創Vince Gilligan全新科幻劇集!《Pluribus》公開正式預告
24 Oct 2025