{ SKIP }
文:MenClub Mr.波特  圖:互聯網
POSTED ON 21 Jun 2017


NBA目前已經進入休賽期,雖然無比賽可以睇,但係仍然好值得球迷留意,因為球隊嘅交易已經陸逐展開,其中今天傳黎最大嘅一個交易消息係黎自湖人同籃網,其中湖人送走球隊上季嘅核心之一D’Angelo Russell以換來籃網主力中鋒Brook Lopez,呢個消息相信係今夏目前為止最令人意想唔到嘅交易。




今次湖人與籃網嘅交易除左上面提到嘅Russell同Lopez之外,其實仲有其他球員同埋選秀權加入其中,以下為本次交易嘅詳細情況:



湖人送出:

D’Angelo Russell

Timofey Mozgov




籃網送出:

Brook Lopez

2017年首輪第27號簽




本身相信都無太多人會諗過湖人真係會送走Russell,雖然佢嘅人格同埋佢嘅防守力係有一定程度上嘅問題,但因為佢話晒上季已經開始展示出相當唔錯嘅得分能力,所以都難免令人有啲意想不到。不過,其實留意今夏湖人手握榜眼簽,佢地將好大機會簽下一位極具潛力嘅新秀控衛,其中可能中選嘅球員包括Lonzo Ball及De'Aaron Fox,因此即使失去Russell對於湖人黎講並無太大問題。


另外,能夠將Mozgov呢位球員送走先係今次交易嘅重中之重,因為呢位中鋒去年夏天同湖人簽左一份4年6400萬美元嘅合同,但係表現卻完全可以用惡劣黎形容,所以湖人千方百計希望可以送走呢份鬼合同。最終,籃網因為Russell嘅關係所以願意接收呢份合同,雖然吃下呢份鬼合同,但係佢地成功得到一位前榜眼,對於手頭上無好高選秀權嘅佢地,能夠獲得呢位年輕球員絕對係唔錯嘅結果。


不過,籃網送走嘅中鋒Lopez卻係球隊嘅第一核心,佢上季場均取得20.5分5.4籃板1.65封阻,而不論佢身邊嘅隊友配置係點,佢都係一路能夠維持20分左右嘅場均輸出,所以湖人能夠得到佢將可以大大加強內線嘅攻擊力。而更令湖人高興嘅係,Lopez上季已經完全開發出三分球嘅,上季場均出手5.2次三分,命中率達到34.6%,以中鋒黎講數據算係非常唔錯。


收下Lopez外,湖人仲收多一個首輪選秀權,所以佢地今夏將手握2號、27號及28號嘅選秀權。預計佢地應該會繼績有交易進行,所以佢地嘅選秀權將會喺很好嘅籌碼,例如用黎交易Paul George便會發揮到巨大嘅作用。

值得一提嘅係,籃網獲得Russell後,華人控衛林書豪可能會喪失原來嘅正選位置,不過以佢上季嘅表現相信仍然會有唔少球隊對佢有興趣,但係要比到佢正選位置嘅可能就無乜幾多隊啦。


由Sony動畫製作嘅Netflix原創動畫電影《Kpop 獵魔女團(KPop Demon Hunters)》,將K-pop偶像、奇幻元素同韓國傳統文化巧妙融合,自6月20日上架後火速席捲全球。除咗破紀錄成為Netflix有史以嚟最多人觀看嘅原創動畫 ...
hobby
【影視】Netflix原創動畫《Kpop 獵魔女團》爆紅 官方正籌備兩部續集及考慮翻拍真人版
01 Aug 2025
為回歸《Dune: Part Three(沙丘瀚戰:第三章)》再演劍術大師Duncan Idaho,Jason Momoa近日親手剃掉留咗6年嘅濃密鬍鬚,並將整個過程拍低上傳到社交平台。 blockquote class="instagram-media" data-instgrm-pe ...
hobby
【影視】Jason Momoa為拍攝《Dune3》六年來首次剃鬚:該死的,我討厭這個樣子
01 Aug 2025