{ SKIP }
文:MenClub Mr.波特  圖:互聯網
POSTED ON 06 Jul 2017


雲加「險簽系列」絕對係深入民心,每次轉會窗呢位阿仙奴領隊都話會簽咩咩咩大牌球員,又或者講番喺個球員未紅之前差啲簽入佢,但得個講字嘅次數就遠超成功購入嘅球員,所以令到一班阿仙奴球迷都相當不滿,認為雲加只係一個守財奴,同現實已經脫晒節。不過,今日阿仙奴終於傳黎好消息,就係佢地終於成功簽入一名大牌球員啦,佢就係傳左好耐嘅里昂射手拿卡鍚迪啦!



今日阿仙奴官方宣佈,以破球會轉會費紀錄嘅5300萬歐元成功羅致里昂當家射手拿卡錫迪。今次槍手以5300萬歐元簽入呢位26歲射手,打破左球隊此前由德國中場奧斯爾保持嘅隊史轉會費紀錄,2013年阿仙奴以4240萬歐元簽下「大眼仔」的。


雲加今次都算係吐氣揚眉,因為拿卡錫迪算係歐洲當紅射手之一,有唔少歐洲豪門都想簽到佢,但係最終就比雲爺爺以都算係平嘅價錢簽到。除左成功收購大牌球員,最重要嘅係拿卡錫迪將可以大大增強阿仙奴嘅前鋒線實力,呢位前鋒上季上陣45場比賽下攻入37球,並且連續3季喺法甲聯賽都至少攻入20球,其入球效率絕對驚人。


雖然今次阿仙奴並無披露拿卡錫迪嘅合同細節,但係就有外國媒體估計,拿卡錫迪今次同阿仙奴簽下一份5年期合同,週薪達到15萬鎊。



此前有傳聞指,只要拿卡錫迪加盟阿仙奴,球隊嘅首席射手山齊士就會願意留隊,如今拿卡錫迪真係加盟左啦,究竟山齊士係咪真係會留隊呢?相信呢個必定係一眾廠迷最關心嘅事。而如果山齊士離隊,咁拿卡錫迪將會成為阿仙奴嘅首席前鋒,但係單憑佢一個阿仙奴又可唔可以有另一番作為呢?


除左拿卡錫迪,雲加較早前亦已經成功免費簽入史治克04後衛哥拉辛拿斯,睇黎雲加真係銳意喺今夏積極補強。能夠見到雲加終於願意大手買人,而呢位球員仲要唔係後生仔,相信一眾廠迷都叫有番啲希望,希望雲爺爺今季真係做番齣好戲啦。




深受高達迷歡迎嘅《閃光之凱薩衛》續集《閃光之凱薩衛 瑟茜的魔女》終於確定上映日期,並同步公開正式預告及主視覺圖。各位Fans係時候返去重溫定第一集,準備迎接全新篇章喇! iframe width="560" height="315 ...
hobby
【高達】《閃光之凱薩衛 瑟茜的魔女》公開正式預告 確定2026年1月30日在日本上映
10 Oct 2025
如果話拍 MCU 電影嘅好處係名成利就(對大部份演員嚟講係啦),咁其中一個唔好處,可能就係你講嘅嘢以後都無人信。好似 Andrew Garfield 咁,自從當年佢極力否認會於《Spider-Man: No Way Home》中現身,到套戲上映 ...
hobby
【影視】被問會否出演《Doomsday》 Andrew Garfield:「唔__會!」
10 Oct 2025