{ SKIP }
文:MenClub Mr.波特  圖:互聯網
POSTED ON 10 Jul 2017


拳擊界一場萬眾矚目嘅世紀之戰:Mayweather vs McGregor,即將喺今年8月26喺賭城拉斯維加斯上演,其中焦點當然落喺40歲嘅「不敗拳王」Mayweather身上,呢位拳王由出道到宜家已經49連勝,如果能夠擊敗McGregor嘅話,咁佢生涯就可以達成50場比賽全勝紀錄,屆時預計佢可以真真正正咁退役。而有關今場世絕之戰嘅首段官方宣傳片亦正式出爐,睇見都真係好熱血,可唔可以快啲開打呀!



今場世紀之戰嘅價值預計將可以達到5億美元,勝方當然可以獲得巨額獎金,但係就算係輸個方都將可以獲得相當可觀嘅收入。不過,較早前有關今次比賽嘅形式已經公佈,就係以拳擊方式而唔係用終極格鬥方式黎進行,所以較年輕作為終極格鬥選手嘅McGregor將會落於較為不利嘅局面,其慣用嘅鎖技、腿部動作等全部唔可以用,全場就只可以用雙手出拳。因此,外界都已經一面倒認為Mayweather將好大機會刷新自己嘅連勝紀錄。


為了令人更關注自己,McGregor亦喺個人社交平台發內了一段有關自己嘅訓練影片,並且配上相當具挑釁意味嘅文字:「如果佢想死,就由佢死啦!」


其實McGregor並唔係無機會打贏Mayweather的,佢後生過Mayweather12年,年輕力壯擁有更強嘅體力,如果打持久戰應該更有利。當然,McGregor一定要克服全場比賽只可以出拳黎擊倒對方,佢必需提升自己嘅出拳力量,以及增加出拳嘅套路。另外,佢亦都要避開Mayweather嘅拳頭,雖然拳擊所用嘅拳套較終極格鬥用嘅拳套盎司更大,但係相對佢地因為單以拳頭作為武器,所以佢地嘅拳頭威力都較終極格鬥嘅選手強得多,隨時McGregor唔小心中左Mayweather一拳就會倒地不起啦。


距離正式比賽日仲有1個月時間,雙方目前都傾盡全力訓練,其中Mayweather最需要提升嘅係比賽狀態同體能,因為佢自從2015年9月後就無再參加過比賽。而McGregor目前當然就梗係要適應拳擊比賽規則,如果唔係打打下突然見到佢出腳或者用鎖技就搞笑啦!


由Brad Pitt主演、《Top Gun: Marverick》導演Joseph Kosinski執導嘅F1賽賽車電影《F1》上週正式上映後,開畫票房數字亦陸續塵埃落定。從結果而言,《F1》可以話係超乎想像地成功,唔單止將會成為Brad Pitt從影以來 ...
hobby
【影視】《F1》開畫票房有望達1.4億美 創Brad Pitt個人最高紀錄
30 Jun 2025
上個星期同大家報導過《Dune》導演Denis Villeneuve正式成為下一部《007》電影導演之事。咁定咗導演之後,下一步當然就係要搵演員,而據多間外媒報導,獲得系列全面決定權嘅Amazon決定一改以往嘅慣例,尋找30歲以下 ...
hobby
【影視】將有年輕版James Bond? 傳Tom Holland等人正爭奪新《007》位置
30 Jun 2025